تيجان من النار

الشعلة الأخيرة

#تيجان-من-النار٣٠

الشعلة الأخيرة

مو النهاية تمام

الكاتبة:chra kirkuki

نعمة : مخلصتي عيونج راحت اريد انام شلون بيا هسة شجابني يمج

رحمة : جنت احسب مصاريف نامي وغطي عيونج مو بكيفج تجين غصبا ماعليج اذا مااسمع صوت شخيرج انام واني اريد اسهر عندي شغل

نعمة : متتعبين ليل نهار من التفكير والشغل سمعت صوت ضحكات ندى ومحسن خبيت راسي من نظرات رحمة كذبت عليها ساعة ١٠ كتلهم نايمين جانو بيت ابوها

رحمة : خبي راسج ذبيت القلم من ايدي ست شهور ولايوم شفتها على السفرة ويانه مادري على شنو شايفة روحها متخاف على نفسها خلي تخاف على اللي ببطنها ياربي كلشي الك حكمة لو بيدي مجنت اخلي تحمل هاي مو شكول ام تعبت منها ومن اهلها وتصرفاتها

نعمة : ميخالف علمود محسن خلي نتحمل شنسوي تدرين  كايلة لرقية اللي ببطنها ولد بارحة رايحة ويا امها للدكتور

رحمة : بأستهزاء واحنا شنو متحجي النا رقية صايرة تنقل اخبار بعد ماسكت الها حالها حالنا ولايوم شفتها تغسل ماعون ولاتكنس ولاتنظف كلشي يتغير من باجر واريد محسن يفك حلكه حتى زيارة امي يوم الخميس نساها رحنا اني وعزيز وزياد انتظرنا اهواية متوقعت ينسى وميجي كل خميس هو ياخذنا من جنتو تحجون عليه تكولون لاتخافين محسن ميتغير مجنتو تفهمون شقصد

جواهر : طويت السجادة بعد ماصلت امي يمة باجر نروح لبيت خالي لان مرته كالتلي مشتهية كيك اسويلها وناخذها خطية

فوزية : هههههه كل هاللف والدوران حتى نروح لان هاشم ينزل من الدوام من عيوني تدللين يارب اشوفج انتي ويا ببيتكم وازفج بيدي كومي فتحي الكانتور طلعي الجنطه الحمرا وجيبيها فتحتها شوفي هاي كلها عطورات جانت تجيني من الحج هدايا شلتها من ايام جنت بنية واكو بيها بخور وملابس نوم انشالله تتهنين بيهم دائما افتحها واكول يمتى يجي اليوم اللي انطيها الج ناخذها ونزين غرفتج واسفط ملابسج بالكانتور انتي وهاشم

جواهر : جنت المس واشوف الملابس واخجل انزلها واسفطها عشوائي ماتخيل نفسي البسها يمه كافي شنو هالحجي بعدني صغيرة كلبي يرجف من الفرحة ومشتاقة لهاشم وعدني من ينزل هالمرة ياخذني ويا امي للمطعم

ندى : وهي تلمس بطنها من فوك قميص النوم الحريري حبيبي شوف ابنك ميخليني انام من يجي لازم تعاقبه

محسن :خلي يجي الله كريم

ندى : شبيك طلعنا من بيت اهلي وانت مو تمام وسرحان

محسن : خاتون تحتاجني بالمعمل وابوج ميقبل اعوفه وارجع اشتغل ويا اختي بصراحه شبه هددني بيج