تيجان من النار

الشعلة السادسه

تيجان-من-النار ٦

الكاتبةchra kirkuki

رحمة :عافت امها بعد مانظفت وجهها وايدها ورجلها اروح اصيح خاله ام مسعود يمه بخوف وقلق مسحت على راسها امها ساكته بس تون  وعينها تدمع  طلعت من البيت متدري وين تروح وخايفه لايأذونها من جديدمحسن الكي اول بعدين اتصرف لو عزيز  تاهت عليها من التوتر تسلك ياطريق ومتدري محسن وين  

ابو محمد : طلع من الحمام لاف ايده حتى متبين عليه الاثار راح على امه ومرته اللي كاعدات بالهول منتظرينه شيسوون ويا العار بنظرهم وكل وحده بيهم حاده سنونها وسلاحها يمه هاي الحيوانه متبقى بهالبيت بعد لا هي ولا جهالها

تروح تولي مالنا شغل بيها طول عمرنا عشنا مستورين تاليها بنت ابو الشربت تنزل راسنا جهالها يبقون يمنا ميروحون وياها

ام محمد :نعم اسمحيلي عمه جهالها شيسون يبقون منو يربيهم ومنو يصرف عليهم ترديها تروح تلعب براحتها تخلص من جهال واحنا نكبر وباجر يكولون امنا هاي ويطلعوج غلطانه

ابو محمد : جهال شنو يمه كعد على رجلين امه يبوس بيها اني وجهالي باقين خدام يم رجلج متحتاجين هذوله مثل امهم ميحبونه

باوعت على وجه ابنها مخرمش وايده مربوطه شكت بشي تمنت احساسها يخيبها اكول بنتي كومي جيبي مي وشوفي جهال دزيهم يروح يصيحون اخوها لهالحيوانه يجي ياخذها تأكدت  زوجه ابنها راحت اندارت عليه احجي شنو سويت بالغرفه  رفعت ابهامها بتهديد تحجي الصدك لو اصيح مرتك واكوللها على اللي بينك وبين مرة اخوك

ابو محمد : على بختج يمه صدك جذب شنو ماعندي غيره مو كدامكم ضربتها شعندي وياها بعدين انتي شاهده هي تتحارش بيا وداعتج ادبتها وبس خلي اشوف اخوها اجه لو لا

رحمة : تعبت من الركض حاولت تلتقط انفاسها شافت محسن يلعب صاحته وينك صارلي اشكد ادور عليك امشي ويايه ندور على عزيز لو انت روح واني راجعه للبيت عافته بعد مااكدت عليه يدور على عزيز وصلت للبيت الجوارين واكفين كلمن يحجي شكل استعجلت خطواتها دخلت للغرفه مرت عمها تفتش بغراضهم باوعت امها ماكو عينها راحت على الحايط ماكو عبايتها خاله وين امي

ام محمد : راحت خالج اخذها فضحتنا الله يسودوجها تعالي ساعديني انظف هالخرابه بعد متنامون اهنا

رحمة : بأنهيار كعدت على ركبتها راحت واحنا لا مستحيل متعوفنا ضلت تصيح ومرت عمها تسكت بيها لحد ماضربتها بيبيتها على راسها اندارت شافت اخوانها وراها عيونهم مفتوحه يمكن سامعين كامت عزيز امي راحت جذب ممسويه شي محد يحبها محد يحبنا

عزيز : جنت خايف لاتكون تزوجت تنفست براحه هي ببيت خالي يعني باقيه ممتزوجه ونشوفها لزمت ايدرحمه يالله نروحلها