تيجان من النار

الشعلة الرابعة عشر

#تيجان-من-النار ١٤

الكاتبةchra kirkuki

رحمة : اسبوع كل يوم يمر نعيش بي احلى ايامنا ملابس واكل وكفت كدام المرايه شعري مسببلي عقده تذكرت ام مسعود شلون حرقته وكصته بدت تطول بس بشكل مخربط لفيته ماريد انقهر اكثرطلعت صور اهلي علكتها ماريد ننساهم وخصوصا محسن اللي متعلق بفوزيه اهوايه حتى يروح ينام يمهم لو يروح ينام بالصاله عزيز هم ميجي ينام بالسرداب مادري اني ليش احب هالمكان هادي وحلو همه يردون يتقربون من فوزيه واني اريد اعيش وياهم طلعت اساعدها متخليني اسوي شي تكول انتو امانه واني اضوج محسن  شفته راجع من السوك وبيده اكياس

محسن : خليت الكيس باوعت حتى اتأكد عزيز ماموجود تقربت  من رحمة تدرين منو شفت بالسوك اليوم بلهفه

رحمة ؛ منو مستغربه من تصرفات محسن ولهفته

محسن : مسعود جان يشتري ملابس واني عمو اخذلي ملابس جديده كالي سلملي على رحمة سئل عليج اهوايه

رحمة : احساس غريب اجتاحتها اشتياق على حزن وخذلان  راد يروح لزمته وبعد شنو حجيتو

محسن : عوفيني اروح اكل هسه امي تودي الاكل للجوارين خلي الحك

رحمة ؛ أمي لعد امنا نسيتوها انت وعزيز هيجي بسهوله كوللها عمه خاله

محسن : اي مثل ماعزيز كال نستنا وتزوجت وماتت واحنا نريد ام وماما فوزيه امي اني احبج لاتزعليني

رحمة : تنهدت بقهر وطلعت وراه سلمت على عبد الملك كل يوم تكتشف  فرق بين السما والارض  تعامل فوزيه وعبد الملك ويا بعض وخالها وعمها وابوها حتى يساعدها بكل شي كلامه تصرفاته كلشي غريب بي ابد ميعصب ابد ميحجي كلام محلو دائما يبتسم ويحجيلهم اللي يصير ويا مشاركهم بكل تفاصيل حياته

فوزيه : كعدي رحمة شبيج حبيبتي  ليش متاكلين خلي نخلص اكلنا ونروح يم الخياطه نجيب الملابس عبد الملك وصيت على الحلويات لاتنسى بالليل تجيبه سوت لفات وانطته لمحسن وزياد بحضنها هاك اكل الصبح متريكت زين عزيز يمه تعال يبرد الاكل

عزيز : خلص كل المسواك دخلتها للمطبخ تعبنا اليوم ويا عمو

عبد الملك : بضحكة تعودو هاي فوزيه كل خميس وجمعه تسوي هالشي تعزم اهلنا وتجمعهم وراح تشوفون بالليل تكوم تطبخ الليله ماكو نوم من صوت الجدور

فوزيه : اي ضحكو عليه باجر من نلتم كلنا راح تشكروني شالت زياد وباسته ربي لايحرمني منك باجر اذبح عجل  لخاطرك ولخاطراخوانك اللي نورو حياتي

رحمة ؛ جنت مشتته بين مسعود وعالمي ويا وبين هالحياة الجديدة اخواني منتظرين باجر على احر من الجمر حتى يتعرفون على اهل فوزيه وعبد الملك  جان عندي فضول ياترى طيبين مثلهم لو لا الخوف مستمر بداخلي من الناس المو زينه  طلعنا يم الخياطه كعدت جانو يحجون مشغولين تطلع قطع جديده تريد تخيطها شفت كتلوك جريته وتصفحته تذكرت مرت خال مسعود وبنتها جانو نفس هاللبس يلبسون قاطعتهم  عمه اريد من هالموديل  اشرت على اكثر من وحده