تيجان من النار

التاج١٣

#تيجان-من-النار٤٣

الكاتبة chra kirkuki

أم هيفاء :وهسه شنسوي البنت تروح من بين ايدي جيتج لان اعرف اشكد تحبيها وتعزيها امانة الله ورسوله مو تكوليلها امج جتي مستعده اعتذر من رحمه واخوانها مادري الين راس زوجي لو جماعتج حتى همه كالو لو يموت ماننطي اله كم مره جينا ورحنا يمه فشلنا

فوزية : جيتج هاي على العين والراس والله ماردج اني اريدها من ربي يستقر ويتزوج بس شسوي من اخوته يكولون اخذها وروح بعيد وهو يخاف ياحبة عيني اني اجيب اخويه واجي اطلبها من ابوها اخليهم على امر الواقع

ام هيفاء : ربي ينطج الصحه والعافيه عرفت مترديني من كثر مااسمع عنج من هيفاء انتظركم الليله بلكت نخلص من هالغم ونفرح كلبهم ٧ سنوات منستهم ابد مينسون

ام رقية : سمعت صوت وحده تحجي ويافوزيه يذكرون زياد ولك سيف تعال اسندني اكوم شيصير

سيف : بتملل نامي مادام متكدرين تكومين كسرتي ظهري خذني جيبني

ام رقية : الله ياخذك طالع على امك مابيك فايده لسان طويل ادبسز ترى كبرت على ايدي

سيف : كل واحد يريدني بشغله يكولي هالحجي نعمة فوزيه انتي امي بس باقي الجوارين يجون يكولولي نظفناك وشطفناك من جنت صغير

ام رقيه : وصلني للصاله وخر هاي منو فوزيه

فوزية : ام هيفاء غمزت الها حتى متحجي شي كدامها اعرفج بعمة زياد

ام هيفاء : اتذكرها شلونج اختي صحتج شلون صارت سمعت مسويه عمليه

ام رقية : بخير هلا بيج هيفاء كالت مسويه عمليه اذا جايه تتحمدين اليه بالسلامه تأخرتي مرت عليه سنه واذا بالج غير شي يفتح الله

فوزية : مجايه لشي جايه تشوفني مشتاقتلي غمزت الها مو ام هيفاء

ام هيفاء : اي اكيد حبيبتي

ام رقية : اني سمعت زياد سمعيني خليها ترجيه بأذنج ابن اخويه مياخذ بنتج لو وزنها ذهب السالفه انتهت تردين تزوجين بنتج البلد متروس شباب ورياجيل منريد نفتح دفاتر سديناها

ام هيفاء: لا عيني مفتهمه غلط اصلا ابوها واخوانها ميرضون بعد اللي صار احنا انهانينه بما يكفي اللي خلق زياد خلق غيره اشكد ماتحاولون تبعدون عن الحقيقة يبقى زياد ابن عمها

ام رقيه : كومي انطيناج وجه زايد ابوه اخويه واني عمته الوحيده اياني واياج اشوفج جايه لهالبيت مره ثانية وفوزية اللي مخليته جوا باطج كلامها ميمشي حتى على الجاهل لان هي عقلها بكد النمل