تيجان من النار

التاج ١٩

#تيجان-من-النار ٤٩

الكاتبة chra kirkuki

خاتون : اني نازلة اقابلهم محسن وربي واللي خلقني اربي بنتك وزوجتك من جديد اني الك وديربالك تفتح حلكك بكلمة امسح بيك البيت توافق مو ناسي ابن اخوك ولك شلون عندك عين تباوع بوجه عزيز

محسن : ليش معصبة مني كلتله اذا رايدها مازوجها كال ماخذها غصب حرام

خاتون :حرام بعينك انت ويا اني الكم تمشون كلام جهالكم بالبيت

محسن : عيب من الجماعه نزلي يمهم بعدين نحجي من ارجع عزيز عندي اهم من بان مو اني اللي اكسر اخوية

خاتون : سديت التلفون بوجه طلعت من غرفتي اسمع صوت ضحكاتهم جنان وامها كاعدين بالصالة يبجون باوعت على رقية هذا من شر اعمالج مع الاسف الولد وكع بيها

رقية : ابني راح يموت قافل تليفونه لاتوافقين كلشي بيدج لخاطر عزيز مو لخاطري

جنان : كومي يمه ارتاحي بغرفتج اني واكفه انتظر جان عندي خوف من دخلت يمهم لاتوافق انداريت رؤى واكفه تاكل لفة وتضحك

رؤى : توافق وراح تتزوج ابجي انتي وامج ولو احب سيف بس انتو الاثنين اذيتونه اهواية

جنان : صبريلي اليوم راح يخلص وشوفي شلون العب بيج ياهايشة كل همج الاكل وبان راح تشوف ايام سوده

رؤى : هههه اي مثل كلبج الاسود اصلا تسافر لأوروبا وانتي ضلي طبطبي على امج لاتنجلط

خاتون : بعد الترحيب والتعارف كلام سخيف لايودي ولايجيب اباوع على ياسمين تحجي وياهم بأنطلاق مبين مو اول مرة يشوفون بعض اي ام فرات شلون نسأل عليكم غير نعرف عنوان بيتكم

ام حاتم تعرف وشافت احنا منو وين ساكنين

ياسمين : باوعت على بان بخوف وكع كلبي حاولت الم الموضوع بان جيبي الضيافه

خاتون : اي اهم شي العصير الفريش ماحب معلب وضيوف بيت عبد الملك لازم نضايفهم بأحسن شي تعرفين ام فرات النسب شي كلش مهم

اي اكيد واحنا الحمدالله نسب يشرف اسم زوجي يكفي الناس كلها تعرفه

خاتون : يعني مو متعادلين اسم زوجي مشهور بالنجارة واسم اخويه الجبير مهندس مشهور ومحسن عنده محل صياغه والبروفيسور زياد يعني اكواختلاف اهواية مو لو غلطانه

شنو هاي اهانة

ياسمين : لا طبعا خاتون قصدها تعرفكم على العائلة حتى تسألون براحتكم مو خاتون

خاتون : لا مو صحيح على شنو يسألون غير لازم اكو بنية وموضوع الناس قبل لاتخطب تسأل البنية مخطوبه محجوزه متجوزه مو رأسا تدخل بالبيوت