تيجان من النار

الشعلة ٢٤

#تيجان-من-النار ٢٤

الكاتبةchra kirkuki

محسن : بنظرات شوق وحب يعني الواحد ميكدر يشوفج الا وسط جماعتج

ندى : بضحكة لعد شتريد اسكت لا يزعلون مو كلتلك بارحة مجتمعين حتى نروح سويا للمطعم هذاك صديقنا خاطب جديد اشرتله

محسن : يوم النا نذرا عليه اعزم القسم كله بس تصيرين اليه

ندى : على شنو مستعجل ماكو زواج لحد مانتعرف على بعض اكثر

ياسمين : اكول روميو وجوليت الجماعة راحو وانتو باقيين تتزوجون لو لا فوك مااتأخر على البيت واترزل العزومه هم تروح مني

محسن : عقلي صديقتج ياسمين متحس بناري اخ منج ندى بنت ابوج راسج يابس

ياسمين : لا محسن ماارضاها على روحي كلشي الا ندى

ندى : خليت ايدي على كتفها واحنا نمشي وايدي الثانية بيد محسن وانتي اعزمن روحي ومحسن يعرف شنو مكانته عندي بس طماع

محسن :ركبنا السيارة شبعت ياسمين انطيج وجبتي لان خليتي ندى تسمعني هالكلام الحلو .

عبد الملك ؛ رحمة وينج منو يغسلني ساعة اصيح جواهر روحي شوفي امج

فوزية : ها عيني ليش تصيح تعال اغسلك

عبد الملك ؛ لا خلي تجي رحمة انتي توجعيني

فوزية : صار الحجي بالوجه اني اوجعك شكو بي تسلم عيني ذكرني لو احتاجيت شي بعد كولها لاتتدخلين اروح ادزلك خاولي بيد جواهر لان مرتك مو بالبيت ست رحمة رايحة للمدرسة ويا زياد اخذتك مني وهسة تلف على ابني صح تنازلت عنك بس ابني فهمها لا

عبد الملك ؛ بعد احجي وصيحي كلتلج اريد رحمة كفرت لا اغسل ولا شي اروح انام حتى ريوك ماريد شلون مغثة من الصبح واحد ميكدر يحجي وياكم

جواهر : يمه ليش هيجي حجيتي شفتي ابويه زعل اروح اسويله فطور علمود ادويته

فوزية : براحتج يمه ابوج من سمع رحمة مو بالبيت تخبل عليه مو اول مرة تعودت عليه تعالي نروح للمطبخ صدع راسي من الصبح باوعنا على الباب رجعت رحمة روحي بسرعة قبل لا يصيربي شي اني اوجعه ميدري سنين يوجعني بأهماله وين ابني

رحمة :ابنج بالمدرسة فوزية زياد ماخذ درجات كاملة بكل الدروس المدرسين مصدومين عبالهم يغش مادري هالولد شبي

فوزية : شبي صكي بعين اسم الله عليه دوم هو شاطر بس غير ميفهمون هذولة المدرسين

رحمة ؛ اي اصكه بعين نسيت صواني الدولمة والكليجه والبقلاوة تروح وتجي للمدرسة بس حتى ينجح كل مرحلة نجح بالدور الثاني خلي اشوف عبد الملك احسن انتبهت على جواهر الواكفة كبرت وصارت تحضر فطور كلش متعلقة بفوزية متبتعد عنها ابد تمنيت احضنها واشم ريحتها امشط شعرها الطويل واسويلها جدايل دائما تبتعد عني شلونج جواهر