تيجان من النار

الشعلة التاسعه

#تيجان-من-النار 9

الكاتبةchra kirkuki

رحمة / عزيز مرد كلبي يتوجع ويكتم طول الليل مينام من يشوفني يبتسم من ابتعداشوفه يعض المخده تمنيت اشيل عنه الالم رجعو بيت خالي ام مسعود مقبلت عزيز يبقى بالصاله عدهم اضطريت اشيله ويا نعمة ونصعده فوك جان يخجل من نعمة ضربته على راسه

نعمة / ولك عزوز اني حاسبتك مثل اخويه لاتخجل مني اعزك اكثر من خرفاني

عزيز / بخجل شكرتها انتي هم اختنا ومثلنا ماعندج احد

نعمة / لا عندي انتو والخرفان وراح اتزوج يصير عندي بيت وزعاطيط

رحمة / غمزتلها تسكت عزيز خجل من كلامها وهي ولا عبالك كاعده تتخيل زوجها وتوصفه نعمة سكتي

نعمة / شبيج غير افرح اخويه واكوله راح يصير عندك بيت وجهال اخت وتصير خال حتى الاحلام ممنوعه عليه دروحي يجي يوم وعزوز يتزوج واني اركص بالفرح

عزيز / خليها رحمة اعرف نيتها شنو نعمة انتي ماكو مثلج عايشه اسوء من عدنا وبعدج تضحكين وتتمنين وتردين مستقبل اني بعكسج ماريد شي غير ماخلي رحمة ومحسن يحتاجون لأحد ترديني اصير مثل مسعوداول سنة بالكليه ويخطب

رحمة / حسيت نفسي كاعده برميل مي حار خجلت ونزلت راسي نعمة تكرصني كاتمة صوتي حتى عزيز يدري يعني مسعود مبلغه لعد ليش مكالي نزلت على السريع مردت يشوفني متلهفه لزمت كلبي رغم قهري على عزيز فرحت كلش جنت اتحرك واشتغل ماحس بتعب  كلشي تطلبه مني ام مسعود اسويها واني مبتسمه سمعت الباب فتحته الدلاله جايبه غراض فتحت غرفه مسعود وبديت انقل الكراتين والاكياس وهي واكفه تحاسب ابو العربانه اللي نقل الها الغراض كل قطعه المسها اتمنى ابوسها

الدلاله / ولج لاتشيلها ثكيله عليج انتي ياخبله انتظري شبيهم البنات هالايام لو تصير سباعيه لو تمبل بس تنام بخت ام مسعود

رحمة / جاوبتها بضحكة لا مو ثكيلة اشيلها بنفسي اخاف ابو العربانه يكسر شي حرامات ردت اكوللها هاي غراضي اشيلها بعيوني بس خجلت بسرعه سديت الباب تمنيت تروح حتى ارجع وادخل للغرفه اشوف شنو جايبه سويتلها الكهوة وكعدت يمها ارتب واسفط الملابس اللي جنت غاسلته من يومين وهي تحجي فلان تزوجت فلان جابت وتسألني عن الجوارين

الدلاله / اي عاشت ايدج هسة تمام ضابطتها للكهوة اخ رجلي متورم من الفرارة طلبات ام مسعود متخلص تعالي فركيها اليه رحمة اكلج بلغتي لو بعدج سألت ام مسعود مجاوبتني
تعالي يمي اقتربي

رحمة / فركتلها رجلها وجاوبت بخجل اي تقربت منها لمست جسمي فزيت وابتعدت خجلت من تصرفها