تيجان من النار

الشعلة ٢٤

#تيجان-من-النار ٢٣

الكاتبة chra kirkuki

نعمة : تعزل غراض الحجية وتبجي متدري شلون مرت عليها هالأسبوع بغيابها تعودت تنام وياها بالغرفة طول الليل يسولفون حطت الملابس بكارتون رحمة ترتبها وهي تقفلها

فوزية : خفي أيدج باجر عدنا مولد السابع مالتها اوف حبيبتي شلون ادخل الغرفة من بعدج ريحتج بكل مكان شوفو هالملابس خيطتها جديد ملحكت تلبسها منو يصبرني على غيابج

رحمة : اني لازم اروح اشوف عبد الملك اكل لو لا من الظهر مطالع من الغرفة لايحجي ولاشي ساكت

عزيز : نزل الكراتين من فوك الكانتور خلص اروح لو بعد بسرعه جهزوها حتى اخذها للجامع الشيخ ينتظرني نعمة تأكدي الملابس نظيفات كلها

فوزية : الله يخليك النا تعبت اليوم روح نام حبيبي اني الفجر اكومك حتى تاخذهن يادوب تلحك ترتاح ساعتين واحنا مظل شي ونخلص شوفي بالثلاجة باقي اكل حميها رحمة

رحمة : باوعت على غراضها اشكد جانت عدها اقمشة وعطورات وقرنفل وحجابات وعباية كلها تلمع وجديدات رغم تعبها ومرضها متخلت عن نظافتها وترتيبها حتى اكياس الحنة الجايبيها هدايا شايلته كلها زيوت احجار كريمة خواتم بيها احجار كريمةوسوارات فضه على صياح وبجي ام رقية اندارينا على الباب

ام رقية : وهي تجر شعرها وتلطم وين ماخذين غراض الغالية ليش فوزية تطلعين غراضها شلون ينطيج كلبج ولج امج جانت موحماتج هسة هاي اشرت على رحمة بلا أصل وفصل شتسوي محد يعتب عليها انتي ليش

فوزية : على كيفج يمعوده قابل ناخذها لروحنا كالو مو زين يبقى غراضها ننطي ثواب على روحها

رحمة ؛ كأنه جتني من السما حجايتها سديت الباب حتى عزيز لايسمع مادام احنا بلا اصل وفصل ليش تزوجين بنتج لأخوية بدل ماتبجين على امج طول ايام الفاتحة تكولين بنتي خطيبة المهندس مفشلتج وين خطيبها اصلا اخويه ميباوع بوجها

ام رقية : ماعندي كلام وياج اخويه خطبها من ابوها هو مسؤول عن عزيز وكبره بفلوس اخويه صار مهندس لاتنسين انتي ولاشي

فوزية : رحمة لاتجاوبين عوفيها عذريها اعصابها تعبانه روحي شوفي عبد الملك

رحمة : واحنا شنو ماعدنا مشاعر واحاسيس كبرنا بهالبيت وعشنا بمذلة من كلامهم محد رحمنا محد كال عذروهم ظروفهم اقوى منهم مراح اسكت سمعيني اني قليلة ادب وجايه من الشارع واخويه مثلي واني امه واخوج ميكدر يزوجه غصب تدرين ليش بصياح لان اني ماخلي سمعت اسمي

محسن : رحمي لحكي عبد الملك بسرعه لبسي عبايتج ناخذه للمستشفى

رحمة : مجنت اعرف شسوي حايرة ماريد اسمع شي مو زين مو وقته شلون هملنا ونسينا هو مريض يحتاج عناية ومراقبة ليش التهيت اجاوب فلانه وعلانه وارضي فلانه واسوي واجب ويا فلانه حتى يكولون رحمة وكفت ويا زوجها لو كامت بواجبها تجاه حماتها وينج حجية تنوريني بكلامج الطيب وتمسدين ايدج على راسي