تيجان من النار

التاج ٢٠

#تيجان-من-النار ٥٠

الكاتبة chra kirkuki

لأني  أحبكم أكتب ❤️❤️❤️❤️❤️❤️

خاتون :اجواء ممطرة رعد وبرق ليالي الشتاء الطويلة واقفة بشموخ
مركزه نظرها على لاشئ وايدها
لازمه الشال المغطي فستانها الاسود المخملي سمعت طرقات الباب ودخول صاحبة الطرقات بدون ان تلتفت عرفت منو هي بنبرة هادئة شنو جابج

فوزية : مكدرت انام ادري بيج متحبين هالاجواء مادري جيت اتشمت بيج لو
اطبطب عليج واكولج انسي انتهى راح ولى

خاتون : ماكدر انسى حاولت اهواية ياريت انسى لحد الان ترن بأذني صوت امي وهي تكولي انتي امهم لحد الان ترن بأذني صوت مسعودوهو يجاوبها جنت اضحك عليها لحد الأن اتذكر صوت السيد وهو يكولي موافقه عليه على عبد الملك واني حايرة شجاوبه

فوزية : مكدرتي تحبي رغم تركني وخاب ظني بي مرات اكرهج لان اخذتي مني حرمتيني منه خليتي يعزل فراشه عني حبيته اكثر منج بس اختارج

خاتون : مقصرت وياج بشي الحياة اخذ وعطاء انطيتيني واخذتي مني بالمقابل لو لاي جنتي هسة بالشارع مو عايشة بهالقصر انطيتج اعز مااملك مبخلت عليج بشي

فوزية:مقصرتي ودائما جنتي احسن مني هو جان يشوفج بهالشكل علمود هاي سجل بأسمج كل املاكه الله يرحمه يكفيني مامتت واني مسامعة كلمة يمه

خاتون:حركت جسمها بأتجاهها احنا مالنا غير بعض ولو انتي مقصرتي غدرتي بيا زمان بس عرفتي حياتج ويايه مضمونه تعبت لحتى وصلتكم لهالمستوى تجاوزت عقبات وشفت اهواية غدر بحياتي مسقطت جنت اكوم وابدي من جديد علمودج وعلمودهم

فوزية:وانتي معتبرتنا من ضمن اشيائج وتقررين وتحددين مصير كل واحد فينا بمزاجج اني اعرف نفسي شنو بالنسبة الج اخوانج وجهالج شنو تعتبريهم عزيز

سندي

محسن

صدر الحنون

زياد

رفيق الروح

نادر ابنج

وكفت دقيقه صمت قبل لاترد عليها تعرفي اكثر مني تربيتج

فوزية:اعرف شتكولين عنه طير حر وجواهر بنتج

خاتون :بآسى جاوبتها فراشه بدون اجنحة

فوزية:ادري تلوميني على حياة نادر وزياد وجواهر ربيتهم عكسج

خاتون:انطيتج فرص اهواية شنو صار زياد كل يوم مسافر من دولة لدولة محد يكدريلزمه ويربطه شايل نفسه من اي مسؤولية لان يدري انتي بظهره اما نادر هج من ورا زواجته الغير المتكافأة وجواهر اخ من جواهر زوجتي لابن اخوج العاق على عنادي وبالتالي دمرتيها بسبب عقلج الصغير وحبج لأهلج الوحوش