#تيجان -من-النار ٣٢
الكاتبة : chra kirkuki
رحمة / رايحة جاية متوترة لايمكن رايح الها هلكد ماعنده كرامة محسن ماتصور اوف لعد ليش تأخر باوعت عزيز كاعد وبيده اوراق يخطط مال شغله ساعة ٢ ونص بالليل الكل نايم عزيز تتصور رايح الها. احجي ويا الحيطان ليش ساكت
عزيز : روحي نامي الصبح راح تشوفي كدامج ليش خايفه
رحمة : لا والله طمنتني لو ساكت مو احسن الوضع مو زين اخاف عليه
عزيز : تخافين لايكون يم ندى مو
رحمة : حقي اخاف انت متتصور شنو يصير ابوها محصور وعليه ديون لحد راسه واني محضرة اله اوراق يدخله للسجن
عزيز : كمت وكفت لا مستحيل متسويها لخاطر محسن
رحمة ؛ لا اسويها ولخاطر محسن حتى يرتاح منهم اسويها وماكو شي يمنعني اهوايه ضحك علينه واستهزء اليوم يدفع ضريبة افعاله اني كلتله يتداين اني كلتله يروح يلعب قمار دخل محسن ورا زياد جسمهم كله اسود ودخان شكو انتو بخير وين جنت
محسن : ماكو شي لاتخافون اروح اسبح حضريلي شي اكله
رحمة : وين جنتو
محسن : بالمستشفى بيت خالج احترك وديناهم هم زين لحكنا عليهم
رحمة : ابو هاشم
محسن : لا بيت خالي كم خال عدنا ابو مسعود
رحمة ؛ مسعود شوداك يمهم اصلا من كل عقلك
محسن : خابرني من جنت بالمعمل وطلب اروح اشوف امه وابوه لان هو بغير محافظه ترديني ماروح
رحمة : اي متروح ماعليك منهم وماخذ زيادوياك هم انشالله ماتو زياد تدري اللي مساعدهم سبب بموت امنا لو لا شلون تروحون
محسن : امنا لو جانت عايشة من تسمع بيت اخوها محترك جانت قبلنا تركض عليهم لاتذكريني بأمي لاتصيرين قاسيةعن اذنكم
رحمة : كعدت على الكرسي ابجي اني قاسية اني اللي طلعت وبيدي دم رحت عليهم جانو يضحكون وياكلون واني خايفة وحافية مماكلة ايام وامي منظرها كدامي متروح ليل نهار مشفتوها حقكم لاتلوموني هسة اذا كرهتهم اني مو مثلكم اني غير وخرو عني
ام رقية : شيصير شبيكم واكفين صوتكم واصل لأخر الشارع
عزيز : ماكو شي عمة رجعي نامي سوء تفاهم وانحلت
رحمة : ماعليج بينا ميخصج موضوع يخص اولاد الشوارع لايشملج ولايشمل الأمير نادر ولا الأميرة جواهر
ام رقية : أعوذ بالله منج مو لسان منشار لاتحترمين احد متكولين اني اكبر منج
أنت تقرأ
تيجان من النار
Mystery / Thrillerليس كل تاج يضع على الرأس تلمع ذهبا تيجان عند لبسها تحرق قلوب اصحابها
