تيجان من النار

عنوان الجزء

#تيجان-من-النار ٣٥

الكاتبةchra kirkuk

زياد : كعدت المغرب من النوم التفت وصحت يمه ماكو جواب وين طالعة يوميا لاتتعب ولاشي بعد دقائق كمت ادور شي اكله سمعت صوت الباب فتحته محملة اكياس مادري شلون شايلتها

فوزية : هاك جبت لحم بعجين كوم سويلنا جاي يابه تعبت من السوك تدري عدهم شغلات كلش حلوه ديربالك تحركها على ماابدل ماريد مثل البارحة تشربني دبس

زياد : انتي جاية تخدميني لو تروحين للسوك شنو بيها هالاكياس فتحتها وسديتها خجلت اشكد ملقوف وعيب شجاني يمه مال منو هالغراض اكيد مو مالتها قياسات صغار والوان احمر وردي ضحكت واني اتخيل امي تلبس هيجي اشياء

فوزية : فتحتها مو مبين من وجهك صبلي جاي هاي مالت اختك احضر جهازها من هي صغيره يمكن توصل عمرها للخميسن متحتاج تشتري المخزن تارسته ترس

زياد : ليش خاتون ناوية تتزوج لو نعمة ماتخيل تلبس هالاشياء

فوزية : لا هاي لأختك جواهر

زياد : جواهر صغيرة يازواج يمه لاتخلين هالموضوع ببالها عوفيها شفتها صامته وعلى طرف لسانها كلام متردده يمه اكو شي

فوزية : بصراحة تعرف ماكدر اخبي عليك من زمان اكو موضوع بس اخاف

زياد : تقربت منها تخافين مني يمه

فوزية : اختك طلبها هاشم واني وافقت باقي احجي لأخوانك حتى يتقدمون رسمي يمه اسم الله احتركت

زياد : وكع مني استكان الجاي نعم هاشم يمه مو الجاي حركني كلامج حركني لايكون انتي موافقه تنطين جواهر لهالسرسري مستحيل

فوزية : هذا انت العاقل بيناتهم هيجي تخبلت لعد عزيز ومحسن شلون لو الخبلة الرسميه رحمة اني حجيت حتى تساعدني عيب تكول لأبن خالك سرسري الولد تغير وتاب

زياد : يمه الولد سنتين ظل بالمستشفى تحت بنج وعمليات وتخدير نفسيته تحت الصفر راح يعاني طول ماهو عايش مراح يتقبل بيوم من الايام وهو مبتور رجله للركبة ويستخدم صناعي حتى يمشي كل الغرور والفخر اللي بي انتهى بكابوس

فوزية : بجت ونزلت دموعها يمه اختك راضية وتحبه اكسر كلبها انت ساعدني والله خالك ومرته حلفولي يخلوها بين عيونهم

زياد : الكذاب شعنده غير يحلف اني احجي وياجواهر ملكت غير هاشم تحبه ليش شنو ناقصها تتزوج واحد كله عيوب واكبر منها واخلاقه وسوابقه لاحدث ولاحرج باجر عندي امتحان اخلص وارجع للشقه حضري ملابسنا نسافر ونرجع للبيت

نعمة : ياسيف ياغضب الله تعال ولك اليوم اكسر راسك ياحيوان هيجي تسوي خربت التنور اخبز على راس امك اليوم