تيجان من النار

الشعلة ٢٠

تيجان-من-النار ٢٠

الكاتبة chra kirkuki

نعمة : هسة وكت نطلع بهالظهر  اوف منج راسج يابس ولا كأنه احجي وياها ولج رحمة   ليش ساكتة

رحمة : تتذكر كل ركن وكل بيت وكل فرع مرت بيهم اهنا لعبت اهنا انتظرت ابوها طريق مدرستها وصلت كدام التركة اهنا صارت أم قبل اوانها شالت مسؤوليتهم اهنا قررت تكون بحياتها الحالية متدري شوكت نعمة دكت الباب وصارت بوجهها مرت عمها ام محمد اخر مرة شافتها من رادت تزوجها لواحد معوق مسلمت عليها وكفت اباوعلها

نعمة : جريتها للداخل هاشلونج ام محمد الحجية وين رحمة تريد تشوفها مثل ماطلبت

ام محمد : شدعوى رحمة متسلمين علينا حقج ماشالله مبين امورج زينه من لبسج زوجج شلونه اخوانج كبرو لا ياريته عمج موجود اشكد مشتاقلكم

رحمة : تنهدت هاي الغرفة شهدت ولادتنا احنا الثلاثة ابوية مات بي طردونا منه ياما ليالي نمناها تمنينا نرجعلها جوا البطانية هيكل عظمي تكح بقوة

منو جاي ام محمد مي من الصبح اصيح محد يجيني

ام محمد : هسة انطيتج شبيج تنسين رحمة جتي فرحي صدعتي راسنا يوميا تكولين يمتى اشوف احفادي

لوحت ايدها بالهواء تريد تلمسها تسمع صوت رحمة بنتي صدك هاي انتي لو تكذب عليه مثل كل يوم

رحمة : باوعتلها مباقي بيها شي مجرد روح تجي وتروح كعدت قريب منها نعمة خلت ايدها بأيدي بعدني بصدمة طويلة وضخمة قوية لسانها مثل الموس تجرح ليل نهار تشتغل متتعب متعرف شي اسمه راحة قاسية مشفتها بيوم من الايام تحتضنه ولاتبوسنا

رحمة بنتي هاي انتي تقربي اشمج واضمج لصدري الحمدالله ياربي اخوانج محسن عزيز وينهم زينين

رحمة : ليش هسة رجعتي تردين تشوفينه نسيناكم نسينا ظلمكم شتريدين من عدنا رحمة واخوانها ماتو من يوم اللي طلعو من هالبيت انتي السبب وعمي وخالي دم امي بركبت كلكم اشتركتو بقتلها

ببكاء وندم سامحوني بنتي مدريت الامتأخر محد كالي على وضعكم لاتعاتبين مرة انتهت حياتها وفقدت نور عينها هجرتكم واستقريت بالريف ردت انسى موت ابني كسرني

رحمة : وامي واحنا شنو ذنبنا شلون نسامحج باوعت على ام محمد كلكم مشتركين محد بيكم رحمنا

ام محمد : شبيج رحمة لاتصيرين حقودة بيبيتج صايرة عمية متشوف شي احتمال باجر تجين تلكيها ماتت خلي اسويلكم عصير يبرد كلبكم

نعمة : اي ياريت متنا من العطش خلي اجي اغسل وجهي

رحمة منو اكو بالغرفة غيرنا اني وياج