تيجان من النار

الشعلة الخامسة عشر

#تيجان-من-النار ١٥

الكاتبة/ chra kirkuki

عبد الملك : يمه هالحجي يطلع منج ماصدك شلون انطاج كلبج تجمعين العشيرة علمود اربي ايتام ببيتي

ام رقية : اعذرني اخويه مرتك متحترم لا عائلتنا ولا عشيرتنا لازم تعرفون هالشي اللي سويتو مو صحيح باجر هذوله ياخذون نسبنا ورثنا حالهم حال جهالنا ظلم لو لا

عبد الملك : مع الاسف اكيد انتي اللي خليتي امي تسوي هالشي ماكو غيرج معترض بس تدرين شنو الحمدالله الموقف اللي خليتوني بي كبرني بنظرهم من حجيتلهم السالفه الحقيقية مو تجميع كلام منا ومنا

ام رقية ؛ وكفت بخوف تطبطب على ظهر اخوها يعني ماريد مصلحتك اني انت اخويه وسندي من اشوفك تغلط بحق روحك تريدني اسكت اسمعني اخويه تريد جهال من باجر ازوجك احسن وحده بالعشيره كلها تسوى فوزيه وعائلتها

عبد الملك : من اشتكي على فوزيه يمج لو يم امي ساعتها تعالي زوجيني شايفتني تدرين اشكد عمري يازواج كلشي ولا تحجين على فوزيه كل سوالفج بجهة اسامحج عليها لان اختي بس توصلين يم فوزيه ماسمحلج

الحجيه : بفشله متعرف شلون طاوعت وسمعت كلام بنتها شافت الانكسار بعيون ابنها كأنما يكوللها خذلتيني ابني اني اريد مصلحتك واذا جرحتك سامحني

عبد الملك : استغفرالله على شنو اسامحج يمه انتي امي واني ابنج حتى لو ذبحتيني اني الممنونج بس لاتمشين ورا كلام وحجي النسوان انتي كبرتينه وعلمتينه كأنه ابوناعايش مميت جنتي ماخذه دور الام والاب جنت اشوفج رجال اكثر من مرة كلامج سيف متنزل على الارض دائما جنتي تكولين اختك خبله لاتزعل من كلامها هسة ليش صارت عاقلة وتمشين وراها

ام رقيه : اللي يسوي زين بهالوكت يصير خبل من الاخير امي مسمعت بس كلامي الناس اكلو وجهها البغلة رحمة بعمر زواج وانت مو محرم الها مو تصلي وتصوم وتخاف الله لعد ليش متطبق تعاليم الاسلام رجعهم لبيتهم وساعدهم من بعيد

الحجية: اول مرة تحجين شي براسه خير بدايه جبتيها زين بعدين رجعتي لعقلج الفارغ متستحين تكولين هالحجي لاخوج يباوع على رحمة كومي لابارك الله بيج

ام رقية : تكدرين تنكرين الناس شتكول على اخويه اسمحلي اكولك كدام امي مو اني وحدة موزينه الناس تكول عليك عقييم وميخلف علمود هالشي ساكت على تصرفات فوزيه ومنطيها الخيط بيدها لو جان بيها جنت متزوج

عبد الملك : لاحول ولاقوة الابالله يعني اصير خوش ادمي واخاف الله بمرتي اصير عقيم ومريض ماكو غير الناس وانتي مرضى نفسين حتى الشماعية متستقبلكم

ام رقية : طالعه وراجعه لبيتي ادري مو مرحب بيا بهالبيت بس شسوي كلبي مينطيني ازعل منكم تحجون عليه وتطردوني  وارجعلكم اخويه رقية مشتاقة لفوزية جبت ملابس ويايه اخذها لبيتكم باجر اني اجي اخذها