تيجان من النار

الشعلة ٢٧

#تيجان-من-النار ٢٧

الكاتبة : chra kirkuki

فوزية : الدنيا انتهت بالنسبة اليه رضيت بكل شي بس يظل بيناتنا تعبت وانكسرت ذليت نفسي تحملت الاهانات والكلام الجارح عبد الملك جنت قوية وياك رحت وعفتني المن ياغالي ليش تركتني هانت عليك العشرة  وجهالنا محتاجين الك

ام هاشم : كولي يالله يمعودة كاتلة روحج صارلج شهر من البجي وحابسة نفسج بهالغرفة والخاتون منزلت دمعة من عينها يوميا طالعة لا تستحي ولاتخجل من أحد اكلتناوشربتنا من كلناها ميصير تطلعين عندج عدة

أم رقية : كومي سويت الج اكل سندي روحج محد يفيدج الله يعلم شنو ناويين عليج الفلوس بيدها والمعمل وهذا بيتج انتبهي على مستقبلج عبد الملك بعد ميرجع الج خلص هو عايفج من يوم اللي تزوج هالحقيرة

فوزية :ليش هيجي تغير عليه بشنو قصرت ويا ولكم جان يعرف رحمة تحب ابن خالها وراضي وساكت ويحبها اني فنيت عمري ويا محبني بكدها شسوي

أم هاشم : بردي نارج اختي محد يفيدج مثل ماكلج اخوج لازم كلشي يرجع بأيدج لاتخسرين الاول والتالي مو كافي خسرتي الرجال

ام رقية : اي والله صدك كلامه ابو هاشم اخوج يعرف مصلحتج سمعي لحد يمتى تكونين خدامه جوا ايدها

فوزية :بحيرة شسوي 

ام رقية : لمي غراضها هي واخوانها وطرديهم من البيت يروحون للمكان اللي اجوي منه الشارع

ام هاشم : وانتي تجين تعيشين ويانه بالبيت معززة مكرمة اخليج على راسي وهذا البيت اجري استفادي من فلوسه

فوزية : وجهالي اني ماكدر اتخلى عنهم لا ماسويها شلون اخرب بيتي

أم رقية : كيفج احنا نصحناج بعدين لاتبجين وتكولين لحكوني ايدي اكصه اذا بعد فترة متزوجت ابن خالها مسعود

ام هاشم : سكتي خية غير زوجي شايفها اكثر من مرة بسيارة المحامي لو ويا ابو ندى يكولون بيناتهم شي الله يستر علينه

فوزية : بأندفاع ماخليها تتزوج وتضيع فلوس عبد الملك كومو ويايه راح اطردها هذا بيتي بس اني وجهالي يحق النا نعيش بي ياخوفي تتزوج وتجيب زوجها يعيش ويانه تطردني اكيد

ياسمين : حضنتها كافي حبيبتي امج تكول من البارحة مماكلة شي ليش مسحت دموعها

ندى ؛ شوفي القهر فستاني طلع والقاعه حاجزيها حتى الاكل امي موصية من زمان كلشي محضرينه على حظي يموت كلما اشوف فستاني اللي دفعت بي كومة فلوس اختنك

ياسمين : سويتلها لفات وقربتها من حلكها كلشي يتعوض بس لاتنقهرين راح

ندى :والأفندي بدل مايواسيني يكولي بعد ماتطلع سنوية عبد الملك نتزوج سكتي