تيجان من النار

التاج ٧

#تيجان-من-النار٣٧

الكاتبة chra kirkuki

جواهر : لزمت ايدين امي انتي  يمي  لاتعوفيني وحدي انتبهت اني بالمستشفى اكيد الطفل مات بعد الضرب اللي ضربوني بارحه هو واهله متجرأت اسأل عليه نزلت دموعي  بصمت  مسحت على راسي

فوزية : وكعتي كلبنا غير تنتبهين على روحج هم زين ابنج بخير بعد لاتصعدين درج ليش متسمعين كلام زوجج شعندج بالسطح

جواهر : يادرج ياسطح اني انضربت لان اخذو ذهبي يبيعوها اخته تبني بيت واني كبش فداء ابني بتردد وينه

ام هاشم : بكل وقاحه وينه بالعنايه ياما نبهتج ديربالج على اللي ببطنج متسمعين كلام احد عنوديه الله ستر علينا كعدي فوزيه لحد مايجيبون الاكل

فوزيه : نادر يجيب اكل من برا جواهر وصيته يجيب الج حلويات ومعلاك مشوي راح ابقى يمج هالفتره خاتون جانت اهنا خطيه ياسمين هم جابت بارحه راحت يمها امها تخربطت ظلت وحدها

ام هاشم : ياسمين اولى تبقى يمها لو بنتها هاي اذا معتبرتها بنتها اصلا

حواهر : غمضت عيوني بتعب حتى بأحلى اوقاتي واصعبها هي مو ويايه دائما بعيده لزكت بأمي بعد ماطلعوني من المستشفى بقت عندي رغم تهديدات هاشم مهتميت من التعب دللتني بفتره نفاسي اكل وشرب وتنظيف تمنيت تبقى عندي للأبد

مسعود : رحمه كم مره جيت للمعرض مشفتج كالولي صرتي جده ولو بعدج صغيره ومحسن هم صار عنده ولد ثاني  على الخير

رحمة : بشرود شكرا جواهر جابت فراس ومحسن حسيب اني راح اطلع للبيت تعبانه شويه

مسعودد: يمتى تحنين نتزوج وتجيبين اليه ولد يشيل اسمي اتخيلج وانتي ح

رحمة : لاتكمل رجاءا باجر انتظركم جيب امك وابوك مو تريد تخطبني عندي بيت تجي تطلب ايدي مو بالمعمل عفته وصعدت بسيارتي عمو حسن يسوق رجعت بذاكرتي قبل اسبوع من رحت ازور جواهر وبيدي كومه هدايا طردتني كدام زوجها وامه وابوه نظرات الشماته بعيونهم متطلع من بالي ليش ياربي بنتي متحبني دفعت فلوس مستشفى ومصاريفها كله اني اكل لبس ليش متتذكر شي زين من عندي دخلت للبيت الكل كاعد ياكل باجر مسعود يجي يطلب ايدي ذبيت القنبله وعفتهم ارتاح بغرفتي الباب راح ينخلع من ضربات عزيز شتريد اريد ارتاح

عزيز : بعصبيه فتحي لا اكسره على راسج وخرو يمي صعدي جهالج رقيه وانت محسن لاتظل تهدي بيا اكيد جنت تعرف لا والك ايد بالسالفه اذا مربيتك انت وياها

نعمة : تعال اخويه نتفاهم احسن راح يصير بيك شي حاولت الزمه مكدرت فتحت الباب دخل عضيت اصابعي بغضب واني اباوع على رحمة