تيجان من النار

التاج الأخير

صباح الخير متابعيني الاعزاء
عدت من جديد بعد غياب بسبب
عملية والدتي واصابه زوجي بالكورونا
اتمنى وادعي بالشفاء لكل المصابين
واشكر كل وحده راسلتني على الخاص ومكدرت ارد عليها
اما بالنسبه للي يدعون عليه وعلى اهلي ماكدر اكوللهم شي اخجل ادعي على اي واحد مهما يكون السبب

اليوم نختم رواية تيجان من النار وراح ابدي

(فرط الحب )موضوعها عن الخيانه الزوجية

(لحن قلبي ) موضوعها عن الحب والانتقام  والغدر

#تيجان-من-النار ٦١

الكاتبة chra kirkuki

رؤى : ماعدكم شي بس زوجي هيجي واني هيجي يمعودات جوعانه رحمة وين الاكل والضيافه اني حماتج مو صديقتج

بان : انتظري هسة يوصل من يمتى صرتي حماتها مو دائما واكفه بصفها ضد اخوج

ندى : من هسة اكوللكم مابقى وياكم للصبح ماكدر افارق حبيبي حسيب ميكدر ينام من دوني

رحمة: غميت نفسي لعد شبي حظي ميصدك يطلع ويروح يم امه عبالك جان مسجون

رؤى : احم احم بما انه التوصيل تأخر ودخلنا لمرحلة الشكوى رحمة انتي تعرفين معزتج عندي ميحتاج اذكرج ياما نصحتج وكلتلج اخويه شايف وعايف عيونه زايغه غيري من نفسج لا يطير منج

رحمة : سكتي لاتذكريني بسوالفه هو وامه نفسيتي تخرب مبقى شي مسويته ميعجبه وخصوصا من تعلق امه عليه خلصت بعد دائما هي صح واني غلطانه

رؤى : ظلي كولي امك امك لحد ماصدك يعوفج يمتى اخر مرة رحتي بيها للصالون دائما بالمطبخ اهتمي بروحج

بان : ميفيد الحجي وياها يجي الليل تعبان هي بدل ماتكعد ويا تروح للمطبخ تسوي اكلات للعائلة يتعارك وياها يجي يمنا يطردني يبقى وياسيف اجي يم رحمة ولا كأنه صاير شي واكفه تكمل الطبخه يادوب الحك اكعد شويه وياها يرجع يحضنها ويبوسها كلت لسيف خلي نطلع من هالعماره احسن نرتاح منهم

رحمة ؛ يحبني شعليج غيرانه من عدنا وانتي تكدرين على بعدي منو يطبخ ويعزمج روحي خلي ندى تنزل تصير مقابيلي احسن منج

ندى : والله لو تموتون مافتح الباب تسوون بينا مثل سيف وبان هذا حبيبي يخابر عن أذنكم سهره سعيده قصدي تعيسه من دوني

رؤى : كمت فتحت الباب اول مادخلت جنان والله زين وصلتي متنا من الجوع لو لا بان ترجتني وباست ايدي جان طردتج

جنان : فديتها مرت اخوي اصيله

رؤى : اي مو حبا بيج خوفا من اخوج لايغرج اهتمامها هسة جانت تحجي عليج