تيجان من النار

الشعلة التاسعة عشر

#تيجان-من-النار ١٩

الكاتبة chra kirkuki

رحمة : جبت بنية جواهر حياتي تغيرت مرت الايام والشهور والسنين عزيز صار بصف السادس البيت بحالة انذار يشتغلون هو محسن ويا عبد الملك  بالورشة

عزيز :يمة وين قميصي الزيتوني بارحة جبته من المكوى

فوزية : بقلق لايعصب على محسن يمه البس غيرها ماحب تلبسها اخاف عليك من العين

عزيز :خلص افتهمت محسن لابسها كالعادة يرجع كله وسخ وتراب واثار اكل لحد يمتى اتحمل وساخته

فوزية : انطيك فلوس اشتري غيره حبيبي كلشي ولا زعلك انتو اخوان شكو بيها يلبس من ملابسك

عزيز : اروح البس اي شي وأمري لله زياد وين وعدته اخذه للسوك ويايه
لو اظل للصبح احجي تدافعين عن محسن

فوزية :طلع ويا محسن

عزيز : وأخذو دراجتي لان محسن كل سنة يكسر دراجته وياخذ زياد وياه حجة حتى يفرفر بالشوارع قبل لاتدافعين عليه شكو بيها اروح مشي

رحمة : نزلت من غرفتي نادر بيدي وجواهر بحضني فوزية خلي نادر يمج الليلة كلش مزعج صاير نحس بس يكوم ويبجي

فوزية : جيبي حبيبي فديته تروح وياخالو للدكان تشتري يم يم

رحمة : هم كالت خالو أخو الجبير مليون مرة كلناها

فوزية : ماكو فرق جيبي جواهر روحي حضري عشا اني اروح اشوف الحجية كملت الخبز لو لا مادري شبيها مصرة تخبز بيدها

رحمة : زين اسويلكم عشا اني طالعة ويا عبد الملك

فوزية : حست بقهر من زمان مطالعه ويا عبد الملك اصلا متتذكر اخر مرة يمتى طالعين وحدهم والليل اكيد يبات يمج تنهدت ودخلت لغرفتها خلت جواهر على السرير ونادر كعد يلعب بألعاب زياد فتحت الحجاب شعرها من زمان ممهتمه بي وممخلية حنه تخاف تمرض جواهر من ريحتها كله تشابك متلحك تمشطها بالحمام زياد كلش متعب وحروك انامل صغيرة حاوطتني حبيبي زياد رجعت

بصوت طفولي ودلع ماما بعد ماروح ويا محسن وكعني شوفي دم بأيدي

نزلت لمستواه تدري ماكو دم بس مكسرت بخاطره نفخت بي ومسحته

اي توجع ماما ربطي وعقمي بشاش

زين حبيبي عيون ماما انت هسة نمسحها ونربطها زياد اكعد عاقل لاتضرب اخوك نادر زين

هز راسه بأي ملحكت تندار جر نادر من شعره

ركضت بخوف تسكت منو جواهر اللي كامت من صياح نادر لو نادر اللي يبجي من الالم كعدت تبجي وياهم ومتكدر توبخ زياد تخاف لايكوم يكرهها