تيجان من النار

التاج ١١

#تيجان-من-النار 41

الكاتبة chra kirkuki

نادر : طلعنا برا اني وجواهر كل ليله واحد بينا يطلعها تغير جو رغم ساكته اكثر الوكت وكفت السياره ونزلت اشتريت الاكلات اللي تحبها فرشت على الرصيف جريده ورتبت الاكل جواهر اذا متاكلين اعوفج بالشارع وحدج

جواهر : مشتاقه لفراس اهوايه ماحس بطعم الدنيا ليش متفهموني لا الفلوس ولا الملابس ولا الذهب ولا الطلعات كلشي ماريد تتعبون نفسكم على الفاضي

نادر: زين اذا وعدتيني تاكلين كل اللي جبته اخذج يمه تشوفي بس من هسه نتفق من نرجع متبجين ومتحجين شي خاتون تعلكني كدام الباب الله يعيني على هاشم ومغثته

جواهر : بفرحه نزلت دموعها راح اكل كلشي وعدتني نادر مو تكذب

نادر : اول ماقتربنا من الباب كلبي انقبض باوعت على جواهر اللي شويه وتطير من الفرحه استغفرالله يارب شنو هالاحساس نزلت قبلي دكت الباب نزلت وراها جواهر خلي نرجع وباجر امنا تجي ويانا احسن اخاف يسوون شي بيج. شلونج خالتي

ام هاشم : الله ياخذكم انشالله شجابكم بهالليل وعدكم عين تجون يم بيتي

جواهر : ابوس ايدج خليني اشوف فراس

ابو هاشم : واكف كدام المدخل ويا هاشم بصياح بنت الكلب شنو رجعج

هاشم : تعالي جواهر  الظاهر معرفت اربيج زين

نادر : بصدمه شنو هالحجي خالي احنا جايين علمود فراس

ام هاشم : فراس هذا بيته ميطلع منه احنا نعرف نربي بالبيت مو مثلكم كل واحد جاي من مكان امشو طلعو من بيتي

جواهر : نزلت على شحاطتها بكل ذل بستها الله يخليج سامحيني ماعيدها اعتبريني خدامه جوا رجلج بس ابني لاتحرميني منه باوعت عليه واكف بشباك الصاله قافلين عليه الباب ميت من البجي

نادر ؛ كومي جواهر لاتذلين نفسج دفعت ام هاشم وتقربت من خالي هاشم راد يهجم عليه لزمت ايده ياحسافه جنت معتبرك اخويه وصديقي يانذل هيجي تسوي بأختي

هاشم : أمشي ولي وعندك عين تجي توكف كدام الزلم تحجي ياناقص ياعار لو بيك ذره رجوله متاخذ وحده مثل سعاد

ابو هاشم : عادي ياخذ هيجي وحده تشبه أمه يوميا ويا واحد اصلا هو ابوه مينعرف  خطيه راح عبد الملك وهو عباله خلف جهال

نادر : احترم نفسك وشيبتك  لاتحجي كلمه على امي افتهمت وانت يانذل ياخسيس يجي يوم واسحلك بالشارع تخلي مسدس على راسي جواهر كومي نطلع

هاشم : شفت الذل ها ارتاحيت عرفت اختك شنو مقامها اريدك توصل هالمنظر وهي نازله تتوسل وتبوس رجلنا لأمك رحمه ههههههه