#تيجان-من-النار٢٢
الكاتبةchra kirkuki
رحمة :وصلنا للطابق الثاني عبد الملك ينطي تعليمات ومحسن ياخذ قياس سكة البردات واني اكتبها بدفتر صغير فتحت باب البلكونة كلشي بهذا البيت حلو بنائه ديكوراته المنطقه باوعت على البيوت كلها نفس التصميم منطقة حديثة اكثر شي عجبني بيها الحايط سياج ناصي الحديقة كدام الباب وحديقة بصف الكراج وحديقة خلفية لو تشوف فوزية المنطقة جانت تعذرني ليش اصريت نشتري قطعة بهالمكان بس صعب نبني هالبناء الفخم شفت سيارة وكفت يم الباب الرجال نزل عرفته الصايغ وصاحب البيت وزوجته تسوق السيارة وبنتين كاعدين وراه نزلو عيني على المرة لبس حلو ومرتب بنطلون وقميص وفوكاها يلك شعرها ميش أصفر مسوية كدلة جبيرة وحمرتها أحمر طوخ دخلو من البوابة ايد بأيد ماعرف اباوع على منو بيهم الرجال اكثر منهم يلمع دخلت وسديت الباب عبد الملك اجوي صاحب البيت باوعت عليه قميص قديم الوانه رايحة لحيته من زمان ممرتبها وبنطلون مالته كله تراب
عبد الملك : خلصنا يالله ننزل ونشوف شنو يردون موديل الاثاث لان كالي زوجته هي تختار
رحمة : نزلنا بعد الترحيب والسلام تعرفنا على بعض انقهرت على نفسي اني اصغر منها ابين اكبر من عدها ضحك وسوالف ويا عبد الملك كدام زوجها وايدهم متشابكة ومرات تخلي راسها على صدرزوجها كله حبيبي وروحي وهو نفس الشي والبنات دلوعات عدهم ثقة بنفسهم بسرعة تصادقو ويا محسن اللي اول مشافهم نساني
أم ندى : عمو عبد الملك اصبغ غرفتي ابيض ماحب لون صاجي وجوزيات لان جايبة فرش جديدة من اخر سفرة النا ندى روحي نزلي الكتلوك من السيارة حتى نشوفه لعمو وبناتي كل وحدة غرفة خاصة بيها وعندي اثنين متزوجات اريد وياهم كاروك مال جهال
عبد الملك : انشالله تدللون بناتكم المتزوجات عايشين وياكم
الصايغ : اي امهم متكدر تبعد عنهم
ام ندى : منطيتهم لولد اخوانه مو غربة هذولة البنات اللي طلعت بيهم من الدنيا ماكدر افارقهم وحتى احفادي مانطي بناتي للغربة ندى كولي لعمو شنو تريدين مكتبة لو ميز دراسة
ندى : اثنيناتها افضل لان عندي كتب اهواية
محسن : احس روحي بالسما ناسي كلشي حواليه احساس غريب كلبي يدك سريع اكثر من مرة رحت شربت مي من البوري احس بعدني عطشان اسمها وشكلها وتصرفاتها كلها على بعضها مابيها اي غلط عفويتها وكلامها
ندى : محسن وين تدرس
محسن : يروحلج فدوة محسن اول مرة احس اسمي حلو تكوله بطريقة عجيبة بيها رنه اداوم بالاقتصاد اخر سنة قريبة دوامج عليه مشايفج من قبل
أنت تقرأ
تيجان من النار
Mistero / Thrillerليس كل تاج يضع على الرأس تلمع ذهبا تيجان عند لبسها تحرق قلوب اصحابها
