تيجان من النار

الشعلة ٢١

#تيجان-من-النار ٢١

الكاتبة chra kirkuki

عزيز :واكف كدام التركة الخريطة بيدي تذكرت ايام وليالي جنت احلم بيها اصير مهندس من سكنت هالمكان حسيت حلمي راح ينتهي طول عمري جنت امثل القوة كدام اخواني محبيت احسسهم بالخوف بس داخلي كله جروح كل ليلة احلم بحضن أمي احضن رحمة حتى اشم ريحتها منها البيت اللي ولدت بي صاير قطعة ارض واصحاب جدد تنهدت بألم ذكريات ابويه بي يمكن بذاك الزوايا جان يوكف يزين لحيته وهو يدندن واني العب يم رجله يكولي من تكبر توكف مثلي كبرت يابه بس موكفت بمكانك وكفت بعيد كلش

رحمة : طبطبت على كتفه ادعيلهم بالرحمة عزيز المفروض تفرح حلمك بيدك تبني بيت احلامك

عزيز ؛ ماعندي بيت ولا احلام بدونج انتي ومحسن وزياد هذا حلمنا وبيتنا كلنا منفترق ابد

محسن : بضحكة ياويله اللي يحاول يفرقنا غيررحمة تسويها ٤ وصل حتى زواج منتزوج نبقى يمها بعد شنو تأمرين

عزيز : هههههه كل همه يتزوج اني قبلك انتظر حتى يجيك الدور واني مناوي اصلا اتزوج

رحمة : الله يحفظكم اليه انتو سعادتي وحياتي وكلشي احبه بالدنيا

محسن : لا والله تحبين عزيز اكثر مني لان اني فقير وساكت ماحجي لو تحبيني زوجيني

رحمة : ضربته على راسه تخرج وجمع فلوس واني ازوجك بس مو هسة افكر ماعندك طموح غير الزواج

محسن : انتي مخليتني افكر بالطموح ليل نهار اشتغل وادرس لا عندج عطلة ولا راحة والاخ من توظف غسل ايده من المعمل

رحمة : انت مسؤول عن المعمل لحد مايكبر زياد ونادر ويستلموها منك اقل شي تسوي لعبد الملك صدك بارحة جان كلش زعلان وضايج حتى نام من وكت ملحكت اسأله من ورا مشاكل وعركات نادر وزياد بالمنطقه

محسن : ابو هاشم فتح محل مقابيلنا يبيع اثاث ومطلع دعاية انه خشب اللي يستخدمه عبد الملك مو اصلي اهواية من الزباين سحبو طلباتهم من يمنا واضطرينا نرجع فلوس المقدمه مالتهم واحنا جايبين المواد حتى نشتغللهم

رحمة : ايا ناقص بفلوس عبد الملك يحاربه اخ منج فوزية

عزيز : رحمة هي على نيتها شتسوي متعرفيها قابل راضية تأذي زوجها لو اذا تعرف تنطي وتساعده اني احجي وياها انتي ماعليج خفي عنها

محسن : اهواية تشتكي منج رحمة هي خطية اشوفها من تروحون لغرفتكم تتنهد وتجر حسرة واصلا هو هاملها

رحمة : ركبنا السيارة عزيز يسوق ومحسن بصفه واني كاعدة ورا احس نفسي ملكة بيناتهم مرينا على نعمة كاعدة ولافة عبايتها حواليها نزلنا من السيارة هي رأسا بجت حضنتها ومحسن ورايه حضنها وباس راسها جريته عيب كبرت
الناس شتكول