تيجان من النار

التاج الأول

#تيجان-من-النار ٣١

الكاتبة chra kirkuki

رحمة : بعد ثلاث سنين انتظار وتعب سنوات هسة واكفه كدام بيتنا الجديد مثل ماخططنا وسواها عزيز حلم طفولته وحلم كبري وحلم محسن يصير عنده حديقة يلعب ويا الجهال سنين كلها تمر بقصص وحكايات واحلام تتحقق واحلام تندثر دخلنا جوا كل واحد راح يكتشف عالمه بهالبيت فوزية ومطبخها واثاث اللي تحتاجها اختارتها بنفسها وغرفتها قريبة من غرفة الضيوف جواهر بصفها ونعمة بيني وبينها ممر اطلالة غرفتي على الحديقة والباب الرئيسي يبين الطابق الثاني لعزيز ومحسن وجهالهم وزياد ونادر كل واحد بيهم جناح خاص كل باب عليها تاج ذهبي

فوزية : ماشالله تبارك الرحمن نعيش بسعادة وهنا يارب بخري ويايه نعمة واقرو معوذات ياجهال سمو باسم الله من تدخلون خاتون تكفي عجلين اخاف قليل خلي نجيب بعد واحد اريد اوزع على الجوارين اطبخ ثواب لعبدالملك ومنا اتعرف عليهم

عزيز : فديت كلبج الطيب لزمت ايدها وبستها المنطقة مو مثل منطقتنا اهنا محد يعرف الثاني ولا يتدخل حتى السلام ماكو

فوزية : ليش ابني داخلين على منطقة يهود لو شنو خلونه نرجع لمنطقتنا احسن لو اكولك اني اخليهم يتغيرون شكو بيها

رحمة : محسن دخل من بعدنا وبيده حاتم يمشي ويحجي وياه بدون ندى حضنت حاتم حبيبي شنو هاللبس الحلو لعد وين مرتك

محسن : بقهر وانزعاج راح تجي باجر ويا اهلها للعزومه جبتو ملابسنا لو بعد

رحمة : اي هسة جواهر تخليها بغرفتكم محسن ياريت تراجع نفسك وتكعد ترتاح تفكر بحياتك ميصير تكمل حياتك بهالطريقة

محسن : عوفج مني لاتخربين فرحتنا اليوم موضوعي مو سهل

فوزية : بترددخاتون اني عزمت ام هاشم صرت بنص هدومي من عرفت اضطريت اعزمها

رحمة : هذا بيتج فوزية بس لاترجعين لسوالفج القديمة ديربالج من اللي حواليج وخصوصا ام هاشم وام رقية

نادر : من شفت هاشم رحت رحبت بي بحرارة وينك يمعود مشتاقين غمزتله تأخرت علينه

هاشم : هههه واني هم مشتاق طلعت باكيت وسحبت جكارة واني اباوع على جواهر شسويت بغيابي

نادر : شسويت غير نايم ومرات اطلع ويا اصدقائي ضايج كلش من تروحون ارجع وياكم ابقى يمكم فد كم يوم

عزيز : انتبهت على نادر وطريقة ترحيبه وكلامه ويا هاشم محبيته صار عندي شكوك خصوصا صارله فترة متغير ويانه وميسع كلامنا عكس قبل جان يحبني ومتعلق بيا اهواية لزمت زياد تعال احجيلي تعرف شي عن علاقة هاشم ونادر ماشوفك انت ويا