#تيجان-من-النار ١٢
الكاتبة chra kirkuki
فوزيه / ركبت الباص وهي عقلها مشوش تفكر بالطفل حتى معرفت اسمه ضلت صافنه انتبهت على صوت الرجال اللي بصفها يكوللها نزلي خية وصلنا للكراج نزلت بشرود حتى نست طريق بيتهم تسمع اصوات السواق يصيحون بأسماء المناطق بسرعه ركبت مهتمت منو كاعد يمها دائما تحرص تكعد يم نسوان خلت راسها على الشباك هي راحت يم دكتوره تفحصها تأخرت عليها الشهرية شجعتها الخياطة تروح تراجع انطتها امل بس من شافت الطفل نست نفسها نزلت على راس الفرع مالتهم دخلت للبيت مطابخه شي مجانت تعرف تتأخر عبد الملك راح يرجع جوعان سلقت بتيته وطلعت خضار مرتين جرحت اصابعها ثرمت بصل مسمعت صوت الباب دخل عبد الملك وسلم عليها جاوبته بهدوء
عبد الملك : بعد ماكمل الصلاة استغرب فوزيه مواكفه يمه تكوله تقبل الله منا ومنكم اصلا شكلها وتصرفاتها غريبه اليوم رحت للمطبخ تمسح دموعها محضرة الاكل ومخليتها بصينيه صحتها تجي تاكل ويايه ابد ماعرف اكل وحدي منو اجانه اليوم نسيت رحتي يم الخياطه
فوزيه :كملنا الغدا وشربنا الجاي واني افكر شلون ابلغ عبد الملك احس كلبي راح يطك من التوتر والقلق كل فكري يم الطفل ياترى اخته اشترتله حليب اهتمت بي جاوبته اي رحت ومناك رحت للمستوصف عبد الملك اريد اكولك موضوع اسمعني للأخير ولا تقاطعني
عبد الملك : بحيره واستغراب منها شبيج مريضه اخذج للدكتور اجيبلج الحجية تكعد يمج شكو اليوم مو على بعضج
فوزيه : حجيتله موضوع الطفل حسيته مقهور بس مفهم مغزى كلامي
عبد الملك : يعني ماعدهم اهل امهم اهل ابوهم وين عايشين بزمن الوحوش عشيرتهم وين متدخل العقل الله يساعدهم انطيني العنوان باجر اطلع من المحل واركب الباصات اروح اخذلهم غراض
فوزيه : نزلت راسي اني اريد اجيب الطفل ونربي
عبد الملك : ياطفل ميصير عبالج سهلة
فوزيه : بدموع وقهر راح يموت واني ماسامح نفسي لان شفته بعيوني متعرف بشنو حسيت من شلته وحضنته حسيته قطعه مني نزلت بالكاع تقربت منه ردت ابوس رجله الله يخليك لاتحرمني من شعورالامومه ماتحمل بعد فاض بيا قدرتي وطاقتي انتهت ماريد اموت واني مسامعه كلمه يمه اذا تحبني لاتعارض اتوسل بيك اجبر بخاطري ارحمني من الناس اللي ماترحم
عبد الملك : ليش هيجي فوزيه اني ابد كايلج اريد طفل ليش تذلين نفسج صدكي مو سهلة نفرق الطفل عن اخوانه واحنا منعرف سالفتهم منو يكول اهلهم يوافقون
فوزيه : لزمت ايده خلي نروح ونستفسر اني وياك حتى من الجوارين نتأكد واذا طلع كلام البنيه صحيح نجيبه ونربي نكسب بي اجر وثواب
أنت تقرأ
تيجان من النار
Mistério / Suspenseليس كل تاج يضع على الرأس تلمع ذهبا تيجان عند لبسها تحرق قلوب اصحابها
