PHOENIX |[ completed ]|

fifteen(uniode)

Love is burning …
Like a …
PHOENIX…
_____________

Rhododendron လို့ခေါ်တဲ့ တောင်ဇလပ်တွေအကြောင်းကို သိကြသလား… ။

ရှေးဟောင်းဂရိစာမှာ Rhodon ဆိုတာ နှင်းဆီ… Dendron ဆိုတာ သစ်ပင်… ဒီစကားလုံးနှစ်ခုကို ပေါင်းစပ်ရာက ဖြစ်လာတဲ့ Rhododendron ဆိုတာက ကျ တောင်ဇလပ်ပန်းတွေ ရဲ့ နာမည်ဖြစ် လာတယ်… ။တခြားစီပဲ လို့ တွေးရင်လဲရပါတယ်… ။ တကယ်လဲ တခြားစီပဲကို… ။ နှင်းဆီက Rosaceae ရိုဇေးစီး လို့ ခေါ်တဲ့ ပန်းပင်ပုနွယ်ဝင်…။ တောင်ဇလပ်တွေက Ericaceae အရီကေးစီး လို့ ခေါ်တဲ့ သစ်ခြုံပင်နွယ်ဝင်… ။ အာ … ပြောလေ ရှုပ်လေဖြစ်တော့မယ်… ။ တောင်ဇလပ်တွေဆီ ဆက်သွားရအောင်… ။

တောင်ဇလပ်တွေက evergreen ခေါ်တဲ့ အမြဲစိမ်းပင် ဖြစ်တာများတယ်… ။ရာသီကုန်ရင်အရွက် ကြွေတတ်တဲ့ deciduous ခေါ်ရွက်ပြတ်ပင်တွေ လည်း ရှားရှားပါးပါး ရှိတတ်တယ်…။ အမြင့် မီတာ ၁၂၀၀ ကနေ ၄၃၀၀ ကြားက အေးမြတဲ့ လေထုရှိတတ်တဲ့နေရာတွေကို ကြိုက်တယ်…။ နီပေါ ဘူတန် နဲ့ တီဘက် မှာ အဓိက တွေ့ရပြီး ဟိမဝန္တာ တောင်ကြောတလျောက်ဖြစ်တဲ့ တရုတ်ပြည်အနောက်ပိုင်း အိန္ဒိယမြောက်ပိုင်းဒေသတချို့ နဲ့ မြန်မာပြည်မြောက်ပိုင်းတွေ မှာလည်း တွေ့နိုင်တယ်။ မျိုးစိပ် ၅၀၀ ကနေ ၉၀၀ကျော် မှာ ferrugineum လို့ ခေါ်တဲ့ ပန်းနီရောင်မျိုး နဲ့ puralbumခေါ်တဲ့ အဖြူ မျိုးနှစ်မျိုးကိုပဲ ငါ သိတယ်… ။များသောအား ဖြင့် ပန်းနီရောင်မျိုးတွေကို ပိုတွေ့ရတယ်…။ ဘူတန်နိုင်ငံမှာတော့ တောင် ဇလပ်တွေဟာ ရာသီဥတုကောင်းမွန်တဲ့ ဧပြီလ ကနေ ဂျူလိုင်လ အတွင်းမှာ ပွင့်တယ်… ။ တောင်ဇလပ်တွေ အလှဆုံးပွင့်ဝေချိန် ဧပြီလ ၁၉ရက် ကနေ ၂၄ရက် အတွင်းမှာ တောင်ဇလပ် ပွဲတော် ကို လုပ်လေ့ရှိတယ်… ။

"မြေးရေ …… သွားစို့ကွယ်……  "

အဘွားက ငါ့ကို လှမ်းခေါ်တယ်… ။ အမွှာလေး နဲ့ သမီးက အဘိုးနားမှာ ရောက်နှင့်ပြီးပြီ… ။ Drangon Kingdom လို့ ခေါ်ဝေါ်ကြတဲ့ ဘူတန် နဲ့ လိုက်ဖက်အောင် နဂါးရုပ်လေးတွေ စီခြယ်တဲ့ ခီရာအနီလေးကို ငါ ဝတ်ဆင်လိုက်တယ်… ။ ငါ့ခါးစည်းလေးမှာ အပြာရောင်နဲ့ အဝါရောင် ကြိုးမြိတ်လေးတွေ တွယ်ချိတ်လို့… ။