PHOENIX |[ completed ]|

sixteen (unicode)

Love is burning …
Like a …
PHOENIX…
_____________

အဲ့ဒီအချိန်တုန်းက …… ။

သားတွေ ရှိလာပြီးနောက်ပိုင်းမှာ ငါ့အတွက် သူ ပေးအပ်လာတဲ့ ပိုင်ဆိုင်မှုတွေရှိလာတယ် ။ သူ့ ကုမ္ပဏီတစ်ခုချင်းစီရဲ့ ရှယ်ယာ၂၀ရာခိုင်နှုန်းစီ။  နောက်ပြီးတော့ စက်ရုံကရတဲ့အမြတ်ရဲ့ ၅၀ရာခိုင်နှုန်းကို  ပိုင်ဆိုင်ခွင့်… ။

ဒီလိုပေးလာတာမို့ ထူးထူးထွေထွေ မပျော်ရွှင်မိဘူး… ။ ကလေးတွေနဲ့မို့ ဝါသနာပါတဲ့ ပန်းပင် တွေဘက်တောင် မလှည့်အားတဲ့ ငါ့ခေါင်းပေါ်ကို ဝန်ထုတ်တွေ ပိုပြီးတင်ပေးလိုက်သလိုသာ ခံစားရတယ်… ။ဘာဘာညာညာ စာရွက်တွေကို ငါ ဖတ်ကြည့်လေ နားမလည်လေမို့ ဆက်မဖတ်တော့ဘူး… ။  *sign* ဆိုတဲ့နေရာမှာ ငါ လက်မှတ်ထိုးလိုက်တယ်… ။ သူကတော့ သဘောတကျ ပြုံးနေလေရဲ့… ။

စနေနေ့ တစ်ရက်… ။
ငါ သူနဲ့အတူ စက်ရုံတွေကို သွားစစ် ဆေးတဲ့နေ့…။ သစ်သားစက်မို့ လွှသံတွေတညံညံ… စက်သံတွေ တဂျုံးဂျုံး… ။

"စီးပွားရေးပဲလေ……သူဌေးကတော်…… ဆူညံပေမယ့် သည်းခံရတာပေါ့……"

စက်ရုံအလုပ်သမားတစ်ဦးက ငါ့ကို ပြောလာတယ်… ။ ဘောဂ ဆိုတာ ငွေကြေးဥစ္စာကို ဆိုလိုတဲ့ ပါဠိစကားလုံးပဲ……။  ဗေဒ… ဘာသာရပ် ဆိုတဲ့ စကားလုံးအတိုင်း စီးပွားရေးသက်သက်ထက်တော့ အများကြီးပိုပါ လိမ့်မယ်… ။ စိတ်ဝင်စားစရာတွေလည်း ရှိကောင်း ရှိပါလိမ့်မယ်…။ သို့ပေမယ့် ဘောဂဗေဒ ဆိုတာ ငါ့အတွက်တော့ ခေါင်းခဲစေတဲ့အရာတစ်ခုထက် မပိုဘူး… ။သဘာဝကို လေ့လာတဲ့ သတ္တဗေဒကို ငါချစ်တယ်… ။ သတ္တဗေဒကိုပဲ စိတ်ဝင်စားတာမို့ ငါဟာ သတ္တဗေဒကိုပဲ လေ့လာခဲ့ပြီး သတ္တဗေဒနဲ့ပဲ ဘွဲ့ရခဲ့တယ်… ။ အကျိုးအကြောင်းဆက်စပ်တွေးတောရတဲ့ သိပ္ပံပညာကို ငါသဘောကျတယ်။ Physics ဆိုတဲ့ ရူပဗေဒက်ို ငါ သဘောကျပေမယ့် ရူပဗေဒသဘောတရားတွေနဲ့ အလုပ်လုပ်နေတဲ့ စက်ပစ္စည်းတွေကိုတော့ ငါ စိတ်ဝင်တစား မရှိခဲ့ဖူးဘူး… ။ လူများတဲ့ပတ်ဝန်းကျင်မှာလည်း နေလေ့မရှိတာမို့ လူကြားထဲကို သွားလာရတဲ့ စနေနေ့တိုင်းက ငါ့ကို နှိပ်စက်နေသလိုပဲ။အခုလည်း စက်ရုံကို လှည့်ပတ်ကြည့်ရှုရင်း ငါ ညည်းငွေ့ခေါင်းခဲလှပြီ… ။