WAHALA DA GATA season1

008

*♥️♦️WAHALA DA GATA♥️♦️*
             _{Maimaici}_
*NOVEL SERIES, SEASON ONE*

*_Start on 28/5/2020_*

*WATTPAD @Smart_Feenert ✔️*
         *_{BE SMART}_*

*_[EMAIL. www.smartfeenert@yahoo.com]_*

*🌈🇰AINUWA 🇼RITER'S✍🏼*
*🇦SSOCIATION🤝🏻*
'''{United we stand and succeed;Our ambition is to entertain & motivate the mind of readers}'''
https://www.Facebook.com/kainuwawritersassociation

*BISMILLAHI RAHMANIN RAHIM*
*—•«•»•«»•-•«»•«•»•—*

*➡️008*

Murmushi mai cike da k'arfin hali ya saki sannan ya ce "Hajiya an tashi lafiya ya gida ya su Alhaji". cikin muryar muzanta ta ce mashi "am'am'am laaaaafiiiya qalau yau kai ne a gidan bata ma tsaya jiran jin amsar da zai bata ba ta ce  "Wallahi Fatima ta kai man inda take kai man yanzu fa ba ni da  halin yi mata magana dík yanda take sai ta maida man da bak'ar ta, Ko yanzu fa ce mata nayi ta shirya ta tafi makaranta kar lokaci ya k'ure mata ta makara amma daga me ta ce , wallahi ita ba inda zata je dan de bak'in ciki da mugunta tunda safe za'a tada ta dande bak'in wulak'anci.! Na ce Fatima yanzu ni kike gayawa wadannan maganganun kamar ke da sa'arki daga me ta ce da ni, (ai wallahi ko mallam......" nan take Hajiya kaka ta b'azge da wani sabon kukan munafurci, cikin sharb'ar kukan  ta soma yin maganar wadda hakan yasa mutanen gidan kowa fitowa waje yana sauraren k'aryar ta cikin mugun tashin hankalin ganin jini ko ina a wajen.

Ta ce "wai yanzu dandai tsabar rashin mutumci da rashin ganin girma na dan ba ni na haifeta ba ta dinga zagina tana kuma zagin iyayena  nazo kusa gareta da niyyar in d'an laface ta da ko duka guda ne sabida tarbiya amma yarinyarnan haka ta d'ebe dankwalin ta daga saman kanta ta daure hancinta da bakinta wai Ina warin Jab'a kar in tayar mata da zuciya sabida ita ba k'azama bace iri na ba." Daga nan kuma ta k'ara bazgewa da wani sabon kuka ta ci gaba da maganganun ta cikin kuka wanda  ba wanda ya iya fahimtar abin da take fad'a a kai ba.

Dik wanda ke wajen tausayin Fatima ya kama shi matuk'a domin sun san dik kalaman da Hajiya kaka ta fad'a babu k'amshin gaskiya a cikin su.

Sai dai shi kuma Uncle muhammad da gabadai ya gama yarda da dik wasu maganganun mahaifiyar shi da ta fad'a a fuskar shi yanda ta nuna amma a cikin zuciyar shi ko kad'an ya san Fatimaw ba zata iya aikata abu ko daya daga cikin wad'annan ba

Sai ya ce mata "Haba Hajiya dan Allah kiyi hak'uri ki bar ni da 'yar'iska marar mutumci
mu koma daki." a sannan ya ja hannun ta suka wuce cikin daki Ita kuma Hajiya Saudat da Alhaji Kabiru su kayo wajen Fatima da ke  kwance rai a hannun Allah da ita sam ba ta san ma wainar da ake toyawa ba.

Nan Hajiya Kaka ta juyo bayan ta tare da watsa ma Hajiya Saudat  wata kafurar harara mai dauke da ruwan bak'in ciki tsagaron sa.

Ita kuma Haj Saudat yi tayi kamar ma bata ganta ba balantana ma ta kula da abin da take yi.

Wanda hakan ba k'aramin  bak'anta  ran Hajiya Kaka ya yi ba.

Su na shiga cikin d'akin palour suka tsaya bayan sun kai ga zama ta ce "muhammad wai meyasa ba zaka dauki diyarka ba ni wallahi na gaji da rik'on ta bata ganin girma na ko nan da can Ni a yanzu ban ma san abin da ta d'auke ni a matsayin shi ba, shin ina nan a matsayin Kakar ta ta Ko kuma ta ajiye ni ne a matsayin mak'iyiyar ta?, dan dai kam wlhy abin da take yi man wallahi ya fara isa ta na rasa me na kashe mata ne  dik tabi ta tsane ni bata so na bata son iyalina  ga bak'in shegen munafurcin tsiya da anyi ance da kuma Sata har ya kai ga komai na ajiye sai ta dauke shi ga kuma.....Uhumhihihhiiii"
ta sake fashewa da wani kukan, ta wani bangaren kuma tana mai rok'on Allah Yasa Uncle muhammad ba zai ce ya yarda da daukar Fatimar ba,  dan dai ta san dik Fatima ta bar gidan nan to rayuwar ta ba ta da wani amfani domin dik abin da take buk'ata cikin sauri da rawar jiki Fatima zata yi mata shi komai wahalar shi kuwa, ita dai rok'on Allah'n da ta ke dik baifi kar maganar da ta yi tayi tasiri a cikin zuciyar sa tare da mik'a gabadai ilahiran kunnayen ta ga Uncle Muhammad tana jiran amsar da zai bata game da wannan zancen