Her Gangster Attitude

Chapter 4: Person From The Past

IYA

Naupo sa sariling table n'ya si Mam Jacinta. May kababaan ang lamesa kaya naman walang kaso sa kanya ang maupo doon lalo na at mahahaba ang mga biyas n'ya.

"Sino dito ang gustong makipagbasag-ulo forever?"

Umikot ang paningin n'ya sa aming lahat. Wala ni isa mang nagtangkang magtaas ng kamay.

"Sino ang gustong forever ay nasa section C? Iyong walang planong pataasin ang mga grades nila at i-challenge ang sarili para makipag-compete sa mga estudyante sa higher section?"

Wala ulit nagtaas ng kamay.

"Ayaw nyo bang maging forever na ganun o wala lang talaga kayong paki? I tell you guys, kayo ang gumagawa ng sarili n'yong kapalaran. Kung hindi kayo magsusumikap at magbabago, walang mangyayari sa buhay ninyo,"

Tahimik lang akong nakikinig. Mukhang sermon ang first subject namin ngayon. Palihim akong sumilip sa mga kaklase ko. Tahimik ang lahat. Pawang mga naka-poker face. Ang mga lalaki naman akala mo'y nakakita ng dyosang sasambahin. Kung makaasta parang tunay na tunay na mga anghel. Kulang na lang ay tubuan ng kulay dilaw na halo sa ulo.

"Forty kayong lahat. Aasahan ko na sa pagtatapos ng taong ito, lahat kayo ay aalis sa silid na ito na pawang may mga desenteng grades. Igalang ninyo ang mga subject teacher na pupunta sa silid na ito dahil hindi madaling mag-akyat baba mula first floor hanggang 3rd floor. Hindi madaling gumawa ng lesson plan at mas lalong hindi madaling magturo sa sandamukal na estudyante at iba-iba pa man din ang mga ugali. Hindi ko sinabing magbago kayo agad-agad. Wala namang nakakagawa noon, hindi ba?"

Sa tahimik ng silid-aralan namin ay para talagang may dumaan na anghel.

"Walang taong perpekto alam nating lahat 'yan. Pero pakiusap ko naman, bawas-bawasan naman natin ang katigasan ng ulo,"

Muling huminto sa pagsasalita si Mam Jacinta. Inilibot n'ya ang paningin sa loob ng classroom at nag-stop over ang paningin n'ya sa direksyon ko. Napalingon tuloy ako sa kaklase kong tulog na tulog pa din. Palihim na ibinaba ko ang kaliwa kong kamay saka kinurot ng pagkapino-pino ang ma-muscle n'yang hita.

Yup, I can feel it. Muscle 'yun.

Naalimpungatan ang lalaking natutulog. Nag-aapoy ang mga mata n'ya habang nakatingin sa akin. Palihim kong inginuso si Mam. Hindi ko makita ang kabuuang itsura nya dahil sa buhok n'yang sabog-sabog at pagkahaba. Basta ang alam ko lang. Ang talim ng paraan nang pagkakatingin n'ya sa akin. Parang iniisip n'ya pa kung ano ba 'yung sakit na biglang nagpagising sa kanya.

"Mister Sleepyhead, pwede ka bang magpakilala? Isang litro na yata ng laway ang tumilamsik palabas ng bibig ko tulog na tulog ka pa rin." Mam Jacinta use her domineering and stern voice again.

Pero mukhang hindi na iyon tumalab sa lalaki dahil nagpalinga-linga s'ya.

"Who the hell pinched me?!"

Mahina lang ang boses n'ya pero dahil sa talaga namang napakatahimik sa classroom sabayan pa na ang lamig-lamig sa pandinig nung boses n'yang punong-puno ng pagbabanta ang tono, muntik na akong mahulog sa upuan dahil sa gulat. Pakiramdam ko, narinig ko na ang boses na iyon pero hindi ko maalala kung saan dahil mas nangibabaw ang takot na nararamdaman ko ng mga sandaling yun. Ngayon lang ako naka-experience na sa boses pa lang, alam ko ng galit ang kaharap ko at pinaninindigan na ako ng balahibo sa buong katawan.

Tila iisang tao na itinuro ako ng buong klase.

"Teka, anong ako? May ibedensya kayo?" paangil kong tanong sa kanila kahit na ang totoo, paramg gusto ko na lang magpalamon sa lupa dahil sa nerbiyos.

Pambihira, hindi pa s'ya magpasalamat na ginising ko s'ya. Kailangan nya pa talagang manakot at manigaw?!

"Walang nakakita, wala rin kaming evidence pero ikaw lang naman ang katabi n'ya," lakas loob na sabi ng kaklase kong bakla. Nang lumingon ako sa kanya, halos masilaw ang mga mata ko sa namumutok n'yang mga labi na mas mapula pa sa salitang 'mapula'. At kaagad ding na-insecure ang manipis kong kilay sa makurba n'yang kilay na ang ganda pa ng pagkakaayos.