Her Gangster Attitude

Chapter 31: A Love Letter?

THIRD PERSON

Tahimik lang habang nasa isang sulok ng sala sila Jaire at AJ. Walang ni isa man sa kanila ang gustong magsalita. Although alam ni AJ kung sino talaga ang salarin at dahilan kaya nagkakagulo ang buong mansyon ngayon, hindi n'ya naman kayang ibenta ang kaibigan n'ya. It's a matter of life and death alright? Paano n'ya haharapin ang mga ninuno n'yang mapagpahalaga sa buhay ng isang tao kung ibebenta n'ya 'tong kaibigan n'yang sinapian yata ng masamang espiritu noong magdesisyon na kausapin ang babaeng dahilan kung bakit mas madalas ng magkatopak si Iker ngayon?

"What happened? "

Lalong tumahimik ang paligid nang pumasok sa malawak at magarang sala ng mansyon ang basang-basa sa pawis na si Iker. Mukhang galing ito sa training ground dahil sunod na pumasok dito ay si Duke na nakatali pataas ang buhok. Basang-basa din ang suot nitong v-neck shirt na kulay itim.

"Ahh..."

"Ehh..."

"Ah, eh... kase Boss... "

"Ano kase Boss... "

"What's wrong? What's with the stuttering Edmond?" Nakakunot-noong tanong ni Duke. Ramdam na ramdam ng binata ang kakaibang tensyon sa paligid.

Lalong nagyuko ng ulo ang lahat dahil kay Duke. Sino ba naman ang hindi ninerbyosin, after Iker, ito ang pangalawang nakakatakot. And heck, paano ba nila aaminin na 'yung kuting na pinaghirapan nilang makuha ang bid sa subastahan ay umuwi na sa mansyon ngayon?!

"What's the problem? " walang mababanaag na kahit anong emosyon sa gwapong mukha ni Iker habang itinatanong iyon. Prente lang s'yang nakaupo sa pang-isahang upuan. Kahit yata may dumating na lindol o bahain ang lugar na kinaroroonan nila hindi pa rin magbabago ang facial expression ng mahusay nilang boss. Not unless, kapag tungkol na sa babaeng iyon...ibang usapan na 'yun syempre.

Nagpalitan ng tingin ang lahat ng mga gwardya sa mansyon dahil mas lalong hindi na nila alam kung paano pa sasabihin ang dapat nilang sabihin. Hello?! Ilang araw kayang pinag-isipan ng Boss nila hanggang sa tubuan na lang ito ng mga nakakahindik na eyebags dahil lang sa tinitimbang nito kung kuting ba o tuta ang dapat na ibigay sa kanilang Boss Mam.

Tapos ngayon biglang umuwi ang magaling na hayop. Eh hindi ba at sa eskwelahan ibinigay iyong kuting? Ni hindi nito alam ang tungkol sa mansyon. Kaya kung hindi ito isinosoli ng babae ng Boss nila, paano naman ito makakarating sa mansyon? Tumingin na lang silang lahat sa mamahaling tiles na sahig. Maging sina AJ at Jaire ay tila na-estatwa sa may gilid ng sala.

"What's happening here Jaire? AJ? " si Duke na ang sunod na nagtanong. Kung hindi pa rin sasagot ang mga ito,  wala na s'yang magagawa para sa kanilang lahat. Ang simple-simple lang namang magsalita pero lahat sila ay parang mga lantutay na kabuteng sa sahig lang nakatingin.

Tinitigan ni Duke ang mga nilalang na tinanong n'ya. Ngayon lang nangyari na naging ganito katahimik ang mga ito. Usually, nagpapa-unahan palagi ang dalawang ito sa pagsagot.

"Hindi pa rin kayo magsasalita? " tanong ni Duke sa malamig na boses. Ayaw pa naman n'ya sa lahat 'yung tinatanong na hindi marunong sumagot. At first na nangyari ang ganito.

Ilang segundo ang matuling lumipas bago magkasunod na umiling ang dalawa. Hindi pa rin sumasagot sa tanong. Tanging iling lang ang ibinigay habang nanatili ding nakatutok lang sa sahig ang paningin.

Lalo lang nadagdagan ang mga kunot sa noo nina Duke at Iker.

"Ginugutom mo ba sila? " tanong ni Iker kay Duke na hindi pa rin kakikitaan ng kahit anong ekspresyon ang gwapong mukha.

"Why would I? Hawak ko ba ang mga bibig nila? "

"Are they sick?"

"How should I know?" malamig na sagot ni Duke kay Iker. Maging s'ya man ay nag-iinit na ang ulo dahil sa inaasal ng lahat. Kapag nagkataong napaka-seryoso pala ng nangyayari at wala man lang sinabi ang mga ito---tapos madadamay s'ya ---makakatikim talaga ang mga mokong na 'to.