Her Gangster Attitude

Chapter 63: The Other Woman

YANA

Dahil nagpasya na si Ces na mauuna na siyang umuwi, mabilis na nag-offer si Sue na sasabayan s'ya dahil nag-aalala ito. Kami naman ni Josefa ay nag-aalala din para kay Iya kaya naman napagdesisyunan namin na ihatid s'ya sa Hidden Detective Club nila de Ayala. Alam naman namin na doon s'ya sasabay sa pag-uwi.

Bali-balita na sa buong campus ang ginawang pag-kompronta ni Flaire kay de Ayala. And I don't trust that witch. Kabilin-bilinan ng mga doktor ng kaibigan namin na dapat maingatan lalo-lalo na ang head injury ni Iya. Hindi pa s'ya lubusang magaling at nag-aalala kami na baka may gawing hindi maganda sa kanya si Flaire Adams. Mas mabuti na yung nag-iingat kami. After Iya's kidnapping, hindi na namin s'ya pinababayaang magpunta sa isang lugar ng nag-iisa.

Kumatok sa pintuan si Josefa nang makarating kami sa building kung nasaan ang Hidden Detective Club nila de Ayala. I'm wondering before kung saan ko narinig ang pangalang 'yun ng grupo. Sila pala ang sikat na sikat na high school detectives na mostly ay mga high school and college students ang mga kliyente. Hindi lang sa City X kilala ang magandang serbisyo nila, maging sa mga karatig city din.

Bumukas ang pintuan pero nakakunot-noo ang lalaking nagbukas mula sa loob noong makita n'ya kami. Pinagtaasan ko s'ya ng kilay. Subukan n'yang magreklamo at malalaman n'ya kung paano ako magbalibag ng lalaking sumisimangot sa harapan ko.

"Asan si de Ayala?" tanong ko.

Tinitigan n'ya ako ng matagal. Pagkuwan ay tumingin s'ya sa mga kasama ko.

"They're doing something," hindi na s'ya tumingin sa akin. Binuksan n'ya ng malaki ang pintuan. Mabilis akong pumasok habang hila-hila sa kamay si Iya.

"Oh, hi Skyler. I'm Josiah. Single ka ba ngayon?"

Huminto ako sa paglalakad saka lumingon sa binabaeng nakahanap na naman ng bagong putahe. This flirt! Ni hindi pumipili ng lugar. Kung saan-saan na lang nagkakalat.

"Hindi ka aayos?" nagbabantang tanong ko kay Josefa.

The flirt just rolled her eyes. This flirt doesn't want us to use 'him and his' when referring to her. We must use 'she and her' dahil kapag hindi iyon ang ginamit namin, aish, maghapong nakasimangot, nag-i-inarte masyado. Aside sa pagiging malandi, masyado pa s'yang demanding.

Tiningnan ko s'ya ng may pagbabanta kaya naman dumistansya na s'ya sa lalaking tinawag niyang Skyler. Pinasadahan ko ulit ng tingin ang lalaki. Gwapo ito kahit na may suot-suot na salamin. Aish. Basta talaga may muscle ang braso type na type ng baklang 'to eh. Makakatikim na talaga ng sapak sa'ken 'to kapag hindi pa 'to umayos.

"Nandito tayo para ihatid lang si Iya ha, hindi para landiin mo ang mga tao dito,"

" Ang taray-taray naman eh. Ikaw na ang pumalit kay Ces. Mas malala ka pa, you're like our nanay. Nakakainis na. " nagmamaktol na sambit ng bakla.  I rolled my eyes at her.

" Where's your Ivan na?" Si Iya naman ang binalingan ko. Nakangiti lang s'ya habang nakatingin sa bangayan namin ni Josefa.

Heck.

I miss the old her. Really.

"I think nasa office n'ya," sagot n'ya sa akin na nagniningning ang mga mata.

Napailing na lang ako. Kung dati ay itinatago n'ya sa amin ang nararamdaman n'ya kay de Ayala, ngayon, tingin n'ya pa lang nakikita ko na kung gaano kaimportante sa puso n'ya ang mokong na 'yun. Dinaig pa ng mga mata n'ya ang bituin sa kalangitan sa pagt-twinkle.

I shrugged my shoulders. Whatever.

Kahit na ang sakit pa sa mata ng ginagawa nilang pagtititigan at minsan pa ay parang timang itong si Iya habang ngumingiting mag-isa, as long as it makes her happy, lulunukin ko na lang siguro ang pangangasim na nararamdaman ko.