Her Gangster Attitude

Chapter 30: You're Seeking Death

IYA

Nakahinga ako ng maluwag nang makalayo na ang jeep na sinasakyan ko sa bookstore. Kung anu-ano ang pinagsasasabi ko kanina sa kaibigan ni Ivan. Mukhang hindi n'ya inaasahan ang mga tirada ko. Ako rin naman, hindi ko na pinag-isipan kung ano ang mga pinagsasabi ko. Sana lang hindi n'ya isipin na masyado akong defensive sa pagsasabing hindi ko gusto si Ivan.

Siguro naman hindi ako isusumpa ng lalaking iyon sa pagsasabi kong bakla s'ya. Wala naman akong ibang choice eh. Kung hindi ko iyon sinabi, baka ako na ang niraratrat n'ya ng maraming tanong. At ayokong ikwento kahit na kanino ang mga nangyari noon. Mabuti na lang effective ang ginawa ko. I caught him off guard. Hehe. Lalong napanatag ang kalooban ko ng maalala ko ulit ang itsura nung lalaki. Parang hindi matanggap ng isipan n'ya ang mga sinabi ko. Bahala s'ya. Hahaha. Sino bang may sabi sa kanya na corner-in ako?

Nang tumingin ako sa paligid ay naalala ko na naman ang mga kasyungahang pinagsasasabi ko kanina.

"I'm sorry but I can't return Ibang to you. Bayad ito ni Ivan sa pag-aalaga namin sa kanya noon. But if your worried kung may gusto ako sa kanya. You can rest assured na wala dahil I still value my life. Hooking up with him is like throwing away my life..."

Thinking about those words... hindi ko mapigilang kagatin ang pang-ibabang mga labi ko. Kung alam lang ng lalaking 'yun. Kung alam lang n'ya... parang pinupunit ang puso ko habang walang habas iyong sinasabi ng matabil kong dila. How does hooking up with him is like throwing away my life? Although I don't do the 'hooking up' thing, just knowing Ivan and letting him be a part of our simple life, it's already a blessing.

"Masyado s'yang mayaman. Masyado s'yang gwapo. Masyado s'yang famous. Masyado s'yang mataas. At lahat ng 'masyado' ay nakakasama. So there, sayo'ng-sa'yo na s'ya..."

Who cares if he's so damn rich? Who cares about everything? Hindi ba kapag gusto mo ang isang tao dapat lahat pantay-pantay? Pero bakit pagdating kay Ivan parang nagkakaroon ako ng insecurity complex? Pakiramdam ko hindi sapat ang buong pagkatao ko para sa katulad n'ya. Gusto ko s'ya. Gustong-gusto ko s'ya pero hindi ko iyon kayang panindigan. Naduduwag ako. Mariin akong pumikit ng maramdaman kong nagluluha na ang magkabilang mata ko. It's so unfair. Bakit kailangang makaramdam ako ng ganito? Bukod sa masakit na sa puso, nakakasakal din.

Madilim na nang makarating ako sa bahay ng magaling kong nanay. Napakunot-noo ako ng makita kong nagkakagulo na naman ang lahat.

"Anong nangyayari? " nababahala kong tanong sa nakasalubong kong kasambahay. Mabilis kong dinala sa likod ng isipan ko ang mga personal kong alalahanin. Hindi kaya inatake na naman si Wella? Pero imposible 'yun.

Huminto sa harapan ko ang babaeng hindi ko alam kung ano ang pangalan.

"Si Miss Wella isinugod sa ospital, " pabulong n'yang sagot.

"Bakit daw? "

Okay pa s'ya kanina ah. Anong nangyari at biglang inatake ang batang 'yun?

"Naabutan n'ya kaseng nag-aaway si Mam at Sir. Tapos bigla na lang s'yang nawalan ng malay, "

"Nasaan na s'ya? "

"Isinugod na nila sa ospital si Miss Wella, "

Dahil sa narinig ko ay dali-dali kong hinanap si Carl. Mukhang nagmamadali rin s'ya at kung tama ang hula ko, hinahanap n'ya rin ako dahil nagkasalubong kaming dalawa na parehong nagmamadali pa sa paglalakad.

"Tayo na? " tanong n'ya pero hindi naman maalis ang paningin n'ya sa braso ko. Wala sa sariling nasundan ko rin ng tingin ang tinitingnan n'ya.  Nanlaki ang mga mata ko nang may bagay akong ma-realize.

Si Ibang!

Oo nga pala. Paano ang kuting ko?

Napatingin ako sa maliit na gate na nasa pader. Parang nananadya pa na doon talaga kami napatapat. Naisip ko tuloy ang nilalang na nagbigay sa kuting. Hindi ko alam kung bakit pero malakas ang pakiramdam ko na mas magiging safe ang pusa ko kung si Ivan ang mag-aalaga. Dali-dali akong kumuha ng papel at sumulat doon. Kakapalan ko na lang ang pagmumukha ko. Babawiin ko rin naman bukas si Ibang. Ayoko lang s'yang iwanan na mag-isa sa loob ng kwarto ko. Mamaya mapag-tripan pa s'ya ng mga katulong ng nanay kong magaling na alam ko namang may lihim na galit sa akin. Habang minamaniobra ni Carl ang sasakyan ay mabilis ko namang tinakbo ang maliit na gate at ipinasok ko sa maliit na siwang si Ibang.