Empire's Soul Mate

Soul Mate 7

Zawgyi #

နတ်ဆေးဆရာမျိုးဆက်ဖြစ်သော ဘတ်ဟွန်းသည် အသက်ဆယ့်ရှစ်ပြည့်သည့်အချိန်တွင် အဖေဖြစ်သူ၏နေရာကို လွှဲပြောင်းဆက်ယူရန် နောက်ဆုံးစမ်းသပ်ချက်ဖြစ်သည့် နန်းတွင်းသက်စောင့်ဆေးဖော်ရန် ဘတ်တ်ဒူတောင်စဉ်၁၆သွယ်ရှိရာသို့ခရီး စတင်ထွက်ရန် ဖြစ်လာလေသည်။ဖခင်ဖြစ်သူမှာနန်းတွင်းထဲတွင် ဘတ်ဟွန်းဆယ်နှစ်သားအရွယ်ကတည်းက အဖိုးဖြစ်သူနန်းတွင်းဆေးသမားတော်နေရာကို လွှဲပြောင်းယူကာ တာဝန်ထမ်းဆောင်ခဲ့သည်။ နန်းတွင်းဆေးသမားတော်အဖြစ် အဘိုးဖြစ်သူလက်ထက်ထဲမှ ရွေးချယ်ခံရပြီး ဘုရင့်တော်ဝင်မိသားစုကျန်းမာရေးကို စောင့်ရှောက်ပေးရသဖြင့် တာဝန်ကြီးမားလှပေသည်။ ဘတ်ဟွန်းမှာအိမ်တော်ရှိသားတစ်ယောက်အနေဖြင့် ဆက်ခံရမည်ဖြစ်သော်လည်း ငယ်စဉ်ကတည်းကသွယ်ပြောင်းသောခန္ဓာကိုယ်နှင့်ချောမောသောမျက်နှာကြောင့်မျက်နှာကို ပုဝါပိုင်းဖြင့်အဖိုးဖြစ်သူက ကွယ်ထားခိုင်းခဲ့သည်။ အဖိုးဖြစ်သူမှာ ဆေးပညာအပြင်အနာဂတ်ကိုဖတ်နိုင်သည့်အစွမ်းရှိရာ ဘတ်ဟွန်း၏ကြမ္မာကို ကြိုမြင်သဖြင့် ထိုသို့လုပ်ဆောင်ခိုင်းထားခြင်းလည်းဖြစ်လေသည်။ ဘတ်ဟွန်း၏အကိုကြီးဖြစ်သူ ထယ်ဟွန်းမှာ စမ်းသပ်ချက်အောင်မြင်ပြီး နန်းတွင်းထဲတွင်အဖေဖြစ်သူ၏ လက်ထောက်ဆေးသမားတော်အဖြစ်လုပ်ဆောင်ခဲ့သည်မှာ ၄နှစ်ရှိနေပြီး ဘတ်ဟွန်းမှာအိမ်တော်မှာပင်နန်းတွင်းဆေးသမားတော်ရာထူးမှအနားယူကာစေတနာဖြစ်ဖွင့်ထားသော အဖိုးဖြစ်သူ၏ ဆေးခန်းတွင်ကူညီရင်း ဆေးပညာများကိုသင်ယူခဲ့သည်။ ဘတ်ဟွန်းသည် ဆေးပညာတခုသာမက စာပေနှင့်ဂီတတွင်လည်းထူးချွန်သဖြင့်ဇာတိမြို့တွင်နာမည်ကြီးပေသည်။ သမီးရှင်တို့မှာ ဘတ်ဟွန်းကိုစိတ်ဝင်စားသလို မိန်းမပျိုများသည်လည်းဆေးကုရန်ဟန်ဆောင်ပြီး ဘတ်ဟွန်းမျက်နှာကိုမြင်ခွင့်ရရန်ကြိုးစားသူများထဲတွင် မိန်းမပျိုများသာမက ယောကျာ်းများလည်းရှိသည်။

အိမ်တော်တွင်တင်းကြပ်သော စည်းကမ်းများကြားနေခဲ့ရသော ဘတ်ဟွန်းမှာတစ်ယောက်တည်း ခရီးသွားရမည်ဖြစ်သောကြောင့်ပျော်နေမိသည်။တောတောင်ထဲသို့သွားရမည်ဖြစ်သော်လည်း ဘတ်ဟွန်းပိုပျော်သည် ၊ ငယ်စဉ်ကတည်းက အဖိုးဖြစ်သူ၏စွန့်စားသောခရီးအကြောင်းများကို နားထောင်ရင်းကြီးပြင်းလာရသူဖြစ်သဖြင့်အမြဲပင် ထိုသို့တစ်ယောက်တည်းသွားလာချင်စိတ်များ ကိန်းအောင်းနေသည်။ ယခုတော့ ဘတ်ဟွန်း၏ဆန္ဒများပြည့်ဝခဲ့ရသည်။ နန်းတွင်းထဲတွင်ထမ်းဆောင်ရမည်ထက် တောတောင်ထဲတွင်လှည့်လည်သွားလာပြီး ဆေးမြစ်ရှာ၊မရှိဆင်းရဲသားများကို ကူညီချင်သည်မှာ ဘတ်ဟွန်း၏အိမ်မက်တစ်ခုဖြစ်လေသည်။ နောက်တစ်နေ့တွင် သွားရမည့် ခရီးအတွက် အ၀တ်အစားများ ၊ ဆေးမြစ်ရှာရာတွင် လိုအပ်သောပစ္စည်းများကို ဘတ်ဟွန်း စစ်ဆေးပြီးပြင်ဆင်ထုပ်ပိုးနေလေသည်။