ပေးဆပ်ခြင်းဖြင့်ချစ်ပါမည် [COMPLETED] ေပးဆပ္ျခင္းျဖင့္ခ်စ္ပါမည္

ep 12

Uni+Zaw

Uni

" ဒီမနက်ပဲ Company ကနေ CEO သိန်းတစ်ထောင်ယူပြီး အပြင်ထွက်သွားတယ် ကိုဘုန်း "

" ဘာ!!!! "

ဇွဲသူရသည် သူ CEO အဖြစ် အလုပ်လုပ်ကတည်းကယုံကြည်အားကိုးရသော လက်ထောက်တစ်ယောက်ဖြစ်သည်။ထို့ကြောင့်သူမရှိသည့်အချိန် company တွင်ယံလေးဘာလုပ်နေသည်ဆိုတာကို စောင့်ကြည့်ခိုင်းထားသည်။ဟိုတစ်ခါလိုမပြောမဆိုနှင့် ဉီးကျော်ခေါင်တင်ထားတဲ့ Tour advertising အတွက် budget ကိုလက်မှတ်ထိုးပေးလိုက်တာမျိုး ထပ်မံမဖြစ်စေချင်သောကြောင့်ဖြစ်သည်။

" ဘယ်ကိုထွက်သွားတာလဲသူရ? ဘယ်အချိန်ကလဲ!! "

" ကိုဘုန်းမရောက်ခင် မနက်10 နာရီလောက်ကထွက်သွားတာပဲ၊ ဘယ်ကိုသွားလဲဆိုတာတော့ ကျွန်တော်လည်းမသိဘူး "

မနေ့ညကမှ ဒီလောက်ပြောဆိုဆုံးမထားတာကို ယံလေးကတော့လုပ်ချလိုက်ပြန်ပြီ။ သူဘယ်ကိုသွားနိုင်လဲ?? ဉီးနှောက်ကိုအပြင်းအထန်အလုပ်ပေးသော်လည်း အဖြေထွက်မလာ။ ဟုတ်ပြီ!! ကိုစိုင်းနဲ့ လင်းမြတ်ကို တစ်ချက် ph ဆက်ကြည့်ရမယ်။ သူ ကိုစိုင်းကိုဖုန်းခေါ်လိုက်သည်။

" Hello ကိုစိုင်းလား "

" ဟုတ်ကိုဘုန်း ဘာကိစ္စရှိလို့လဲဗျ "

" အေး... မင်းတို့သူငယ်ချင်းယံလေး ဘယ်မှာရှိလဲသိတယ်မလား "

" အဲ....ဟို..အဲ့တာ.. ကျွန်တော်လည်းသေချာမသိ"

" မင်းတို့ပါ ငါ့ကိုလိမ်ဖို့မကြိုးစားနဲ့ သူအခုဘယ်မှာလဲပြော "

" ....... "

" အေးဟုတ်ပြီ၊ ငါအခုအဲ့ဒီ့ကိုသွားမယ်ပြီးတော့ ယံလေးကိုငါလာမယ်ဆိုတာ လုံးဝ အသိမပေးပါနဲ့ "

သူပြောပြီး ဖုန်းကိုချလိုက်သည်။

" ယံလေးဘယ်မှာရှိလဲဆိုတာ ငါသိပြီသူရ၊ အခုချက်ချင်းသွားမယ် မင်းပါတစ်ခါတည်းလိုက်ခဲ့ "

ဟုဆိုကာဘုန်းပြည့်စုံဉီးသည် ချက်ချင်းထသွား၍ သူရမှာနောက်က အမြန်လိုက်ရသည်။Car parking ရောက်တော့ ကိုဘုန်းကိုကြည့်ရသည်မှာအရမ်းစိတ်တွေတိုပြီးဒေါသတွေထွက်နေ၍ ကားကိုသူမောင်းမည်ပြောသော်လည်းလက်မခံပဲ ကိုဘုန်းကိုယ်တိုင်သာမောင်းသည်။
ရန်ကုန်မြို့လမ်းမများထက် ကားကိုအရှိန်တင်ပြီးမောင်းနေ၍ သူပါလန့်နေမိသည်။ မြို့ပြင်နားကခြံဝန်းကျယ်တစ်ခုရောက်တော့ ကားကိုရပ်လိုက်သည်။