ပေးဆပ်ခြင်းဖြင့်ချစ်ပါမည် [COMPLETED] ေပးဆပ္ျခင္းျဖင့္ခ်စ္ပါမည္

ep (24.2)

Uni+Zaw

Uni

အိမ်ရှေ့ရောက်ရောက်ချင်း ဘုန်းပြည့်စုံဦးသည် ယံလေးကိုဘာမှမပြောပဲ ကားပေါ်မှဆင်းကာ အိမ်ထဲဝင်သွားလိုက်သည်။

" ပြောလေ! အဲ့အိမ်ကလူတွေက ကျွန်တော့်ထက်ပိုပြီး အရေးပါနေပြီလား!! "

ယံလေးသည် ဧည့်ခန်းထဲသို့နောက်မှပြေးလိုက်လာသည်။

" မင်းကျေနပ်တယ်မလား!! မင်းကြောင့်ငါ့သိက္ခာတွေရစရာမရှိအောင် ကျသွားပြီ ပျော်တယ်မလား!! "

ဘုန်းပြည့်စုံဦးမျက်နှာသည် အေးစက်ကာ ခက်ထန်မာကျောနေသည်။ယံလေး ကိုကို့မျက်နှာကိုကြည့်လိုက်တော့ ဘယ်ဘက်ပါးတွင် လက်ဝါးရာတစ်ခုနှင့်နီရဲနေသည်။

" တောက်!! အဲ့မိန်းမ လက်ကိုဖြတ်ပစ်မယ်!!။ကိုကိုကရော ကိုယ့်ကိုရိုက်လိုက်တဲ့သူတစ်ယောက်ကို တောင်းပန်ခယနေတုန်းလား။ အရိုက်ခံရတာတောင် မနာနိုင်ပဲ အဲ့မိန်းမဘက်က ပါနေတုန်းလား! "

" ဘယ်သူ့ကြောင့် အရိုက်ခံရတာလဲ!
မင်းကြောင့်။မင်းရဲ့ စဥ်းစားဆင်ခြင်မဲ့တဲ့ လုပ်ရပ်တွေကြောင့် ငါအရိုက်ခံရတာ။တစ်သက်လုံး ကြိုးစားတည်ဆောက်လာခဲ့တဲ့ ငါ့သိက္ခာတရားတွေ တစ်စစီပျက်စီးသွားတာလည်း မင်းကြောင့်။ငါ လေးစားခင်မင်ရတဲ့ မိတ်ဆွေတစ်ယောက်ဆုံးရှုံးသွားခဲ့တာလည်း မင်းကြောင့်။ အားလုံးမင်းကြောင့်ပဲ!!!!  "

" ကျွန်တော် သေချာပြောထားတယ်။ အဲ့မိန်းမနဲ့လုံးဝထပ်မတွေ့ပါနဲ့! ထပ်တွေ့ခဲ့ရင် နောက်
ဆက်တွဲဖြစ်လာမယ့် အခြေနေကိုပါတစ်ခါတည်းကြိုတင်ပြင်ဆင်ထားလို့ ကျွန်တော်သတိပေးထားပြီးသား။ဒါကို အဲ့မိန်းမအိမ်ထိဆိုက်ဆိုက်
မြိုက်မြိုက် ရောက်ချသွားတာက ဘယ်သူ့အပြစ်လဲ!!! "

" ဟက်! ငါ့အပြစ်လို့ပြောချင်သေးတာလား။ ငါမင်းကို ပြောစရာစကားမရှိလောက်အောင် စိတ်ပျက်တယ်!! "

ဘုန်းပြည့်စုံဦးရဲ့ စိတ်ပျက်တယ်ဆိုတဲ့စကားမှာ ယံလေးအသားတို့တောင့်တင်းသွားသည်အထိ ဒေါသထွက်သွားသည်။

" ကျွန်တော့်ကို တော့စိတ်ပျက်တယ်! အဲ့မိန်းမအတွက်ကျ အရမ်းကိုသည်းခံနားလည်ပြီး စိတ်မကောင်းဖြစ်တယ်ပေါ့ ဟုတ်လား!! ကျွန်တော့်ပြောစကားကို တစ်စက်မှအရေးမလုပ်ပဲ သူ့အတွက်ကျဒီလိုမွေးနေ့လက်ဆောင်တွေထိပါ ပြင်ဆင်ပေးတာပေါ့...ကြည့်ရအောင်!! ကျွန်တော်မဟုတ်တဲ့ တစ်ခြားမိန်းမတစ်ယောက်ကို ပေးတဲ့ လက်ဆောင်ကဘာလဲ!! "