Kiss me,Baby (Completed)

~9~

👀uni & zaw👀

"ကိုယ် ကလေးကို ချစ်တယ်"

"ကိုယ် ကလေးကို အခွင့်ကောင်းယူတာမဟုတ်ပါဘူး... ကလေးကိုလေ ကိုယ်စတွေ့တည်းကချစ်နေမိတာပါ အခုလို ပြောလိုက်လို့ကိုယ့်ကိုအထင်မသေးလိုက်ပါနဲ့ ... လူကြီးတစ်ယောက်အနေနဲ့ အခုလိုပြောတာ ကလေးအတွက် အနေရခတ်စေမယ်ဆိုတာ သိပါတယ် ဒါပေမယ့် ကိုယ် မင်းကို ကိုယ့်ရဲ့ခံစားချက်ကိုသိထားစေချင်လို့ပါ"

"ကိုယ် မင်းကို ချစ်တယ် ကလေး.... မင်းကို တစ်ဘဝလုံးစာစောင့်ရှောက်ပေးချင်တယ် ကိုယ့်ကို ခွင့်ပြုပေးပါနော်"

လရောင်ပျို့၏လက်နှစ်ဖတ်ကို ဆုပ်ကိုင်ရင်း အရည်တလဲ့လဲ့ဖြစ်နေသောလရောင်၏မျက်ဝန်းတို့ကို စူးစိုက်ကြည့်ကာဂုဏ်ရည်ဆိုနေခြင်းပင်။ ဂုဏ်ရည်၏စကားတစ်ခွန်းချင်းစီတိုင်းဟာ လရောင်အတွက်အံ့အားတသင့်ဖြစ်စေသည်။

"ကလေး ကိုယ်အခုလိုပြောလိုက်လို့ ကိုယ့်ကို အထင်သေးသွားတာလား"

ဘာတစ်ခွန်းမှမဆိုဘဲငြိမ်သက်နေသည့်လ​ရောင်ကြောင့် ဂုဏ်ရည် စိုးရိမ်စွာမေးမိသည်။ကိုယ်တိုင်က မစောင့်ဆိုင်းနိုင်ပါဘဲ ယခုလိုဝန်ခံလိုက်မိတော့ ကလေးအထင်လွဲသွားမှာကြောက်နေမိသည်။ သို့ပေသိ ဂုဏ်ရည်စိုးရိမ်တကြီး ကြည့်နေစဥ်မှာဘဲ မိမိကို ပြုံးပြလာပါသော ကလေးငယ်။ ထို့အတူ ဝမ်းသာနေသည့်ရွှန်းလဲ့လဲ့အကြည့်တို့က မျက်ဝန်းအတွင်း နေရာယူထားသည်။ ထိုသို့မြင်လိုက်ရသည်နှင့် မိမိစိတ်ထဲ လှပ်ခနဲ။

"ကျွန်တော် လက်ခံပါတယ်"
မျက်ဝန်းအတွင်း အရည်ကြည်တို့တစ်ဆို့လျက် ဆိုနေပါသော ကလေး။ ကလေး၏စကားကြောင့် ဂုဏ်ရည် အံ့သြတကြီးဖြစ်မိပါတော့သည်။ထို့အတူ မယုံနိုင်စွာပင် ထပ်မံ မေးရန်ကြိုးစားမိပြန်သည်။

"ကလေး ကိုယ့်ကို လက်ခံတယ်ဆိုတော့... ကိုယ့်အချစ်ကိုလက်ခံလိုက်တာပေါ့နော်"

ဂုဏ်ရည်ထပ်မေးတော့ ကလေးငယ်ကခေါင်းလေးငုံ့ရင်း ရှက်ရွံ့စွာဖြင့် အွန်းဟုသာဖြေမိသည်။ ဂုဏ်ရည်မှာတော့ကလေးငယ်၏အဖြေကြောင့် ရင်ထဲတဒိန်းဒိန်းပင်ခုန်၍စိတ်လှုပ်ရှားနေမိသည်။