السيرة النبوية | بقلم إيمان شلبي

بداية تعذيب المسلمين المستضعفين في مكة 🌸

#تعديل
بقالي يومين مش متابعة أخبار خالص ومركزة في كتابة السيرة،
فبفتح الفيس لقيت موضوع إعدامات الشباب التسعة ،
بقدر ربنا يكون جزء النهاردة عن تعذيب وقتل المسلمين الأوائل، ياريت تقرأوا الجزء ده وتحاولوا تنشروه بين الناس،
عشان نعرف إن الإبتلاء في الله سنة كونية وشوفوا رد رسول الله على خباب بن الأرت👌👇

#قصص_الأنبياء(٢)
#السيرة_النبوية
#الحلقة_السابعة_عشرة
#بداية_تعذيب_المسلمين

كنا واقفين عند قريش ومحاولاتها لصد الدعوة الإسلامية،
وقلنا الوسائل إللي استعملها كفار قريش في كده، زي تحييد أنصار الدعوة ،
والإغراء بالعروض المادية ،وتشويه صورة الداعية وتشويه صورة الدعوة نفسها وشغل الناس بالباطل عن طريق النضر بن الحارث،
وآخر حاجة كانت استعمال الضغط النفسي من الأهل على أقاربهم إللي أسلموا زي سعد بن أبي وقاص ومصعب بن عمير👌
لما كفار مكة لقوا إن مفيش حاجة جايبة نتيجة قالوا بس، احنا نعذب الناس إللي أسلمت دي لحد ما يرجعوا عن دينهم😤
فكل واحد من سادات مكة يشوف إللي أسلم من قبيلته وهو إللي يعذبه،
فبدأ كل واحد يشوف مين إللي أسلم من قبيلته ويعذبه،
حر أو عبد😑
=عثمان بن عفان كان عمه بيلفه في حصير من ورق النخيل يكتفه يعني وبعدين يشعله من تحته ويطلع دخان على وشه لحد ما كان كأنه بيموت من الخنقة،
الواحد لما يشم شوية دخان بس من بعيد بيبقى مش قادر يتنفس،
ده بقى الدخان تحته وطالع على وشه كله😞

=بلال بن رباح كان عبد من الحبشة يملكه واحد من السادة اسمه أمية بن خلف،
فكان يحط في رقبته حبل ويعطي الحبل للصبيان يلعبوا به،
يشدوه ويوقعوه،
وكانوا بيطلعوه وقت الظهر في صحراء مكة وينيموه على الرمل الساخن ويضعوا على صدره صخرة كبيرة جدا،
ووقت الظهر في مكة في الصيف في الصحراء درجة الحرارة ممكن تعدي الخمسين😞
وكانوا يقولوا له:
هنسيبك كده لحد ما تموت أو ترجع عن دين محمد وتعبد اللات والعزى😤
وهو يقول لهم : أحد أحد☝️
فكانوا بيتغاظوا منه ويزودا عليه العذاب وهو ميسكتش يغيظهم برده ويقول لهم أحد أحد☝️
يعني الله واحد👌
وكان يقول لهم وهو بيتعذب :
والله لو أعرف كلمة تغيظكم أكثر من الكلمة دي كنت قلتها👌
والكلام ده مكنش يوم ولا يومين ده كان فترات طويلة،
احنا بس مجرد تخيل الموقف بنحس بوجع القلب،
أمال إللي حصل معاه كده كان ألمه عامل إزاي😞

وفضلوا يعذبوا فيه لحد اشتراه أبو بكر صاحب رسول الله ﷺ من أمية بن خلف واعتقه لوجه الله.

=عمار وأبوه ياسر وأمه سمية ،
وكان ياسر شيخ كبير في السن وكان بيعذبه واحد من سادات بني مخزوم قبيلة الوليد بن المغيرة اسمه《عمرو بن هشام》 إللي كنيته أبو جهل👌
فكان أبو جهل هو المسؤول عن تعذيب الشيخ الكبير ياسر،
وزوجته المرأة العجوز سمية، وكانوا بيطلعوهم في الصحراء ويعذبوهم في الحر ،
وطبعا مفيش لا أكل ولا مية، وكان رسول الله ﷺ بيعدي عليهم وهم بيُعذبوا ويقول لهم:
"صبرا آل ياسر فإن موعدكم الجنة"