السيرة النبوية | بقلم إيمان شلبي

حد الرجم

اتكلمنا المرة إللي فاتت عن ماعز بن مالك إللي وقع في كبيرة الزنا وجاء لرسول الله ﷺ عشان كان عايز رسول الله ﷺ يطهّره من الذنب ده بإنه يقيم عليه الحد،
فلما رسول الله ﷺ اتأكد منه إنه فعلا وقع في كبيرة الزنا أمر بإقامة الحد عليه وهو الرّجم بالحجارة حتى الموت؛
لأنه زنى وهو مُحْصَن، والمحصن معناه الرجل إللي تزوج قبل كده،
سواء بقى لسه متزوج، أو تزوج وطلّق أو تزوج وامرأته ماتت.

المهم،
الصحابة أخذوا ماعز بن مالك و رجموه بالحجارة، فأول ما حس بمَسّ الحجارة يعني حس بألمها هرب،
فأتبعه الصحابة  واستمروا في رجمه بالحجارة لحد ما مات،
فلما رجع الصحابة لرسول الله ﷺ وأخبروه بهروب ماعز لما بدأوا يرجموه؛ قال لهم رسول الله ﷺ:
" فَهَلَّا تَرَكْتُمُوهُ؟"
يعني كنتوا اتركوه وخلوه يأتيني ونشوف الشبهة إللي عنده إيه يمكن يكون رجع في كلامه وخلاص ميبقاش عليه حد🤷‍♂️

☆وهنا نقدر نفهم نقطة مهمة من رسول الله ﷺ، وهي:
إن إللي بيُقِر و يعترف على نفسه من غير ما يكون في بيّنة ودليل على إللي عمله؛ لو رجع في كلامه وقال أنا معملتش؛ لا يُقام عليه الحد،
وحتى لو شُرِع في إقامة الحد، يعني حتى لو بدأوا ينفذوا الحد زي ما الصحابة بدأوا كده، والمُعترف غيّر كلامه وقال لم أفعل، يتوقف إقامة الحد عليه👌
وإلا فإزاي يعني يُقيموا الحد على واحد بينكر أصلا إنه عمل خطأ، وهو أساسا إللي جاء و اعترف على نفسه ومحدش يعرف عنه حاجة😕
بعكس بقى لو في بيّنة ودليل، يعني لو في أربعة شهود شهدوا على إنسان بفعل الفاحشة فهنا يُقام عليه الحد حتى لو أنكر؛ لأن في بيّنة زلا يسقط الحد مادام وصل للحاكم💁‍♂️
لكن لو الشهود نفسهم بقى همّ إللي رجعوا في كلامهم وقالوا لا ده احنا كنا غلطانين ونتوب إلى الله، يبقى هنا لا يُقام عليه الحد ؛
لأن رجوع الشهود دول عن شهادتهم قدح فيهم؛ لأنهم كاذبون في واحدة من الشهادتين،
إن كان في الأول فهم كاذبون فلا تُقبل شهادتهم، وإن كان في الثاني فهم كاذبون فلا تُقبل شهادتهم👌
《الموضوع فيه تفصيل كبير بين العلماء إللي عايز يتوسع ويعرف الأدلة وأقوال العلماء هيلاقي رابط التفصيل ده في التعليقات👇》

بعد رجم ماعز قال رسول الله ﷺ لهَزَّالُ :
" وَاللهِ! يَا ‏هَزَّالُ لَوْ كُنْتَ سَتَرْتَهُ بِثَوْبِكَ كَانَ خَيْرًا مِمَّا صَنَعْتَ بِهِ"
هَزَّالُ ده كان هو إللي دفع ماعز وشجّعه إنه يروح لرسول الله ﷺ ويعترف باللي عمله ده،
فرسول الله ﷺ بيعلّمه وبيعلّم الأمة كلها إن مادام محدش طلبه للشهادة خلاص، يبقى يسكت ويستر على صاحبه وميفضحوش👌
وبعد موقف رجم ماعز ده، رسول الله ﷺ عارف إن الناس مش هتسكت، وفي كلام كتير هيتقال عنه،
وفعلا الناس اختلفوا بعد رجم ماعز، فريق قال :
ده كده هَلك وأحاطت به خطيئته،
وفريق تاني قال:
مفيش توبة أفضل من توبة ماعز، ده جاء لرسول الله ﷺ ووضع إيده في إيد رسول الله ﷺ وقاله اقتلني بالحجارة👌