السيرة النبوية | بقلم إيمان شلبي

الهجرة الأولى للحبشة🌸

#قصص_الأنبياء(٢)
#السيرة_النبوية
#الحلقة_العشرون
#الهجرة_الأولى_للحبشة
#إسلام_حمزة_بن_عبد_المطلب

اتكلمنا المرة إللي فاتت عن تزايد تعذيب الكفار للمسلمين عشان يرجعوا عن الإسلام،
لكن رسول الله ﷺ فكر في فكرة عشان يحافظ بها على دعوة الإسلام من إن المشركين يقضوا عليها سواء بقتلهم للمسلمين أو تعذيبهم  لحد ما يرجعوا عن الدين،
أو التكتيم الإعلامي إللي عملوه عشان محدش يعرف من خارج مكة أي حاجة عن الإسلام،
لدرجة إن أي أحد ييجي من خارج مكة سمع عن رسول الله ﷺ وبيسأل مجرد سؤال،
حب استطلاع يعني😅 يضربوه😶
فكان لازم يكون في حل أو فكرة ننقذ بها دعوة الإسلام،
والفكرة كانت إنه يسمح لبعض المسلمين للهجرة خارج مكة👌
فالهدف الأساسي من الهجرة كان الحفاظ على دعوة الإسلام، مش الحفاظ على حياة الأفراد،
ومش معنى كده إن حياتهم مش مهمة..لأ طبعا مهمة لكن مقارنة بحفظ الدين ونشره فالدين هو رقم واحد👌

والدليل على كده إن رسول الله ﷺ مطلبش من المستضعفين إنهم يهاجروا زي بلال وخباب إللي كانوا بيتعذبوا🤷‍♂️
لكن طلب من القرشيين إللي عندهم مَنعة في قومهم إنهم يهاجروا👌
فلو كان السبب الرئيسي هو مجرد الحفاظ على الأرواح فقط كان الأولى هو خروج المستضعفين إللي معندهمش منعة في مكة💁‍♂️
ده غير كده هجرة المسلمين من أشراف مكة بالذات لها أهداف تانية مهمة 🤭
رسول الله ﷺ كان ذكي مكنش مجرد بشر ينزل له الوحي ويبلغ وخلاص،
لأ..ده كان بيفكر وبيأخذ بالأسباب الدنيوية والوحي يؤيده👌
فهو طلب من الأشراف الهجرة عشان
◇أولا:
لما الناس دي تهاجر ممكن أهل مكة يطاردوهم،
فلو طاردوهم ومسكوهم مش هيقدروا يقتلوهم عشان هيخافوا من قبائلهم 💁‍♂️
فأقصى حاجة هيعملوها إنهم هيرجعوا المهاجرين لمكة،
لكن تخيلوا لو كان المهاجرين من العبيد كان إيه إللي كان ممكن يحصل لهم 🙊
كانوا هيقتلوهم بدون أي تردد ماهم ملهمش حد يدافع عنهم🤷‍♂️
◇ثانيا:
الأشراف يقدروا يؤثروا في أهل البلد إللي هيهاجروا لها؛
لأن من طبيعة البشر إنهم يسمعوا للشخص ذو المكانة والشرف وعنده مركز،
بعكس لو اتكلم شخص ضعيف محدش هينتبه له،
زي مثلا لما المرأة بتتكلم مع زوجها في موضوع مهم وجاء ابنها الصغير عايز يشارك في الحوار ويقول رأيه،
المرأة هتسمع لرأي زوجها ولا رأي ابنها😅
أكيد هتسمع كلام زوجها، مع إن سبحان الله ساعات ربنا بينطق الحق والرأي السديد على لسان الأطفال أو الضعفاء بصفة عامة👌
فالغرض أصلا هو توصيل الدعوة للبلد إللي هيرحوه،
فأكيد الوضع هيكون مختلف لما يكون الاشراف هم المهاجرين👌
لأن البلد هتكون كأنها استضافت وفد سياسي محترم معارض لسياسة مكة،
غير لما تستضيف من وجهة نظرهم مجموعة من العبيد الهاربين من اسيادهم🙃