Revenge of a Gangster

Chapter 9: Red

Habang nasa van kami at nagdadrive ang tito ni Hailee pabalik doon sa bahay nila ay maingay ang lahat sa loob. Pinaguusapan nila kung paano ang buhay dito, kung masaya ba ang festival na dadaluhan namin, kung marami bang atraksyon dito at iba iba pa.

Ang tito ni Hailee at si Cheska ang nasa hot seat dahil sila ang pinagtatanungan ng mga siraulong ito para lang hindi maging awkward ang loob ng sasakyan.

Ngayon ko lang din nalaman na ang pamilya nila Hailee ay sumasali sa kompetisyon sa festival na'to na pagandahan ng uniporme at tugtog ng banda

"Ahh! Edi ibig sabihin ang pamilya nyo nag ano...ano tawag don?"

Parang batang sabi ni Yanna na hindi pa matandaan ang sasabihin kaya natawa nalang sa kanya si Cheska na nakaupo sa front seat.

"Sad-sad pana-ad! Saka oo"

Nakangiting sagot ni Cheska kay Yanna na kapansin pansing nawiwili sya rito dahil sa ugali nyang hanggang ngayon ay hindi parin nagbabago.

"Ano yung 'pana-ad' ?"

Nagtataka namang tanong ni Glizz at napasilay ang isang ngiti mula sa labi ng tito ni Hailee habang nagmamaneho. Napasilip ito sa amin ng saglit bago ibinalik ulit ang paningin sa daanan

"Iyon yung pag-samba sa niño, the child Jesus, yung magsasayaw ka sa kalye habang sinisigaw ang Viva kay Señor Santo Niño! bilang pamamaraan ng pasasalamat sa kanya"

Halata ang pagkatuwa ng tito ni Hailee sa mga tanong nila dahil napapansin nyang kakukyuryoso kami patungkol sa pyestang ito. If that so, parang Sinulog at Dinagyang lang rin sya?

"Ano po pinagkaiba ng Sinulog at Ati-Atihan?"

Nakibahagi na rin ako sa pagiging chismosa nila at nagtanong na rin. Sa kwestyon kong yun ay si Cheska ang sumagot na may ngiti sa labi. Hindi man halata sa personalidad nya ang masayahin pero parang natutuwa talaga silang mag-ama sa mga tanong namin

"Yung Sinulog kasi was adopted from Ati-Atihan, pagandahan sila ng gowns, and as 'sinulog' means 'graceful dance', elegante ang festival nayan, while Ati-Atihan kasi is meant to be like 'atis' or 'aetas' which is our provinces' natives"

Napatango-tango ako sa pag-explain non ni Cheska. She's quite good with explaining.

"Are you perhaps, a teacher Cheska?"

Takang tanong ni Glizz na gaya ko ay napansin rin ang galing nya sa pagsasalita. Natawa sya sa tanong iyon ni Glizz kaya halos sabay-sabay kaming napataas ng mga kilay namin

Are we wrong, perhaps?

"No. I'm an online tutor"

Nakangiti nyang sagot sa amin kaya napa tango-tango ulit ako. Sa hindi ko rin alam na dahilan ay napalingon ako sa likuran at nahagip ng paningin ko si Clark na nakatingin kay Cheska pero ilang saglit ay napabaling kay Hailee naman na tulog na tulog sa tabi ko

Puno ng pagkabalisa ang mukha n'ya na ewan. Para na syang natatae na ano, psh. If I were to know, hindi n'ya alam paano sasabihin kay Hailee na mukhang may gusto sya sa pinsan n'ya o kaya kung papaano n'ya tatanungin kung pupwede ba n'ya iyon deskartihan

Tsk tsk.

Looks like I'll have a part time job in this trip.
.
.
.
.
.
.
.
.
Ilang minuto ang lumipas at mukhang nasa capital na kami ng probinsya dahil may mga buildings na dito at maraming bandiritas na nakasabit sa itaas, mukhang handa na handa na para sa pyesta

Nagtuloy tuloy sa pagmamaneho ang tito ni Hailee saka pumasok sa isang barangay na puno rin ng bandiritas sa itaas. Medyo may kahabaan ang pagmamaneho nito paloob at nang tumapat ang van sa harap ng parang barangay hall ay lumiko ito sa kaharap na village