Habang nasa elevator kaming dalawa ay tahimik lamang ang paligid. I can almost hear my own heartbeat
Dahil nga sa wala kaming pinaguusapan ay busy ang mga mata ko kakalibot sa buong paligid. Ngayon ko lamang napansin na mayroong button sa pagitan ng 1 at 2. Iyon ay may tatak na G
Kumunot ang noo ko dahil ang pinindot ni Kyle kanina ay ang 1st floor, siguro ay doon kami pupunta, ngunit bakit merong ground floor button sa elevator na ito?
Liningon ko siya habang ito ay nakatingin lamang sa harapan. Binuka ko ang bibig ko upang magtanong sana nang bigla namang bumukas ang elevator
Napalingon ako roon at laking gulat ko nang bumungad sa akin ang isang malaking laboratoryo. Hindi ako sigurado kung laboratoryo nga talaga ito ngunit may nakikita akong iilang mga tao na nakasuot ng lab coat
Nagsimula siyang maglakad at hawak hawak niya parin ang kamay ko. Kaagad ko siyang sinundan at tumabi rito. Bahagya akong lumapit sa kanya at bumulong
"You can let go now" sabi ko.
Lumingon siya sa akin na may kaswal na mga mata bago yumuko at tinignan rin ang kamay naming magkahawak. Pinagmasdan niya iyon saglit bago ibinalik sa akin ang kaniyang tingin at umiling
Tumaas ang kilay ko rito. Hindi ba siya nahihiya? Geez! I'm not even a kid that needs guidance?
Hindi ko na lamang iyon pinansin dahil mukhang hindi naman nababahala ang mga nagtatrabaho dito. Mukhang masyado rin silang maraming ginagawa para mapansin ang kamay namin o kahit kami
Habang inililibot ang paningin ay marami akong nakikitang mga monitor at malalaking screen. Para tuloy akong nasa isang CIA agency sa loob ng isang pelikula
Sinusundan ko lang siyang maglakad ng deretso hanggang sa may nakasalubong kaming isang lalaki. Normal lang rin ang suot nitong damit ngunit may nakakabit na isang identification card sa kaliwang dibdib niya
"Sir!" bati nito.
Tumayo sya ng diretso at kulang nalang ay magsalute siya kay Kyle upang ipakita ang respeto nito sa kaniya.
"Dane... nagsalita na ba siya?"
Napalingon ako kay Kyle sa kaagaran niyang pagseryoso ng boses at ekspresyon, kagaya nung kausap niya lamang ako sa opisina niya.
Sino ang nagsalita?
"Hindi pa po sir" disappointed niyang sagot saka bahagyang yumuko na lamang sa harapan namin.
Huminga ng malalim si Kyle saka na lamang tumango. Nagsimula ulit siyang maglakad kaya naman tumabi ang lalaking tinawag niyang Dane. Dumiretso kami sa paglalakad hanggang sa mayroong parang daan pakaliwa kung saan wala namang tao, hindi gaya nung pagpasok namin kanina
Tahimik kaming naglalakad na pati ang hakbang namin ay rinig na rinig ko. May karagdagang hakbang akong naririnig kaya lumingon ako sa likuran namin
Doon ko nakita ang lalaking may pangalang Dane at sumusunod sa amin. Nang magtagpo ang paningin namin ay ngumiti ito sa akin na parang nahihiya pa kaya naman ngumiti nalang rin ako rito, ngunit kaagad rin nawala ang ngiti na iyon sa labi ko nang bumaba ang tingin niya
Sinundan ko ang kaniyang mga mata at nakatitig iyon sa kamay namin ni Kyle, na muntikan ko pang makalimutang magkahawak nga pala
Shit.
Umiwas ako ng tingin kay Dane at tumingin sa harapan namin, saka pasimpleng binabawi ang kamay ko sa pagkakahawak niya. Pilit ko iyong iniaalis sa pagkakahawak niya ngunit mas lalo lamang humihigpit ang pagkakahawak nito
BINABASA MO ANG
Revenge of a Gangster
Ficción General[COMPLETED] Book II Ang buhay nya ay naging maayos pagkatapos mahiwalay sa mga kaibigan, pero sa sapilitan nyang pagbalik, ano kaya ang mangyayari? Ang akala nya ay natapos na ang lahat at binaon na sa nakaraan ang mga pangyayaring naganap, pero bak...
