ချစ်တယ်မောင်🖤

21🖤

#unicode

ကားကိုဒုံးဆိုင်းကာမောင်းလာလိုက်ပြီး လူအတော်ရှင်းတဲ့နေရာရောက်တော့ ကားကိုထိုးရပ်လိုက်သည်

ညနေတောင်အတော်စောင်းနေပြီမို့ မှောင်စပြုလာပြီ...

ရှိန်းတစ်ယောက် ကားထဲကနေထွက်လာလိုက်သည်
အရာရာကိုမကျေမချမ်းနှင့် အားမလိုအားမရဖြစ်စွာ အော်ဟစ်လိုက်သည်

"အားးး ဘာလို့လဲဘာတွေဖြစ်ကုန်တာလဲ ဘာလို့စောက်အရှုပ်ဇယားတွေလာဖြစ်နေရတာလဲ အားးး"

ရှိန်းအော်ရင်း ဒေါသတို့ကို သူ့ကားပေါ်သာပုံချမိလေသည်

ခြေထောက်ဖြင့်အရှိန်ပြင်းစွာ ကားတံခါးကိုကန်ကြောက်ရင်း အော်ဟစ်ကာပေါက်ကွဲနေလေသည်

ရှိန်းကန်နေတာကိုရပ်လိုက်ပြီး ကားနောက်ခန်းတံခါးကိုဖွင့်လိုက်သည် ကားထဲကပန်းစည်းကိုထုတ်လိုက်ပြီး ခဏတာအသက်မဲ့စွာကြည့်နေလိုက်ပြီး ပန်းစည်းကိုအားနှင့်ရိုက်ချလိုက်သည်

ပန်းစည်းကိုကားနှင့်အသားကုန်ရိုက်ချလိုက်တာကြောင့် ပန်းပွင့်ဖက်လေးတွေဟာလဲ လွင့်စင်ကာ မြေပြင်ပေါ်၌ ပြန့်ကျဲကုန်လေသည်

"အားးးးး!!!!"

ရှိန်းဒူးထောက်ချလိုက်ကာ ဆံပင်တွေကြားထဲ လက်ထိုးရင်း အာခေါင်ခြစ်အော်လေသည် ရင်ထဲမှာတင်းကျပ်နေတာတွေကို ဘယ်လိုပင်ပေါက်ကွဲထုတ်ထုတ် စိတ်သက်သာသွားတယ်ဆိုတာမရှိ ရှိန်းခေါင်းငိုက်စိုက်ချကာ ငိုချလိုက်‌ေတာ့သည်

‌အချိန်တွေကိုနောက်ပြန်ဆုတ်လို့ရမလားဟင် အချိန်တွေသာနောက်ပြန်ဆုတ်ရရင် ‌ဆက်ကိုမောင်ကာကွယ်နိုင်အောင် လုပ်မှာ ဒါပေမယ့်ဘယ်လိုမှမဖြစ်နိုင်တော့ဘူး

မောင်မကောင်းဘူး မောင်ဆက်အပေါ်မကောင်းဘူး!! ဆက်ကိုမကာကွယ်နိုင်ခဲ့ဘူး!! မောင့်အရိပ်အောက်မှာရှိနေလျက်နဲ့ ဆက်ရဲ့ဖြူစင်တဲ့ဘဝကို မောင်ကိုယ်တိုင်ဖျက်ဆီးမိသွားပြီ မောင့်အကိုကြောင့်ဖြစ်ခဲ့တာတွေကိုတွေးမိတိုင်းလဲ သူ့ကိုသေလောက်အောင်မုန်းတယ် မောင်တောင်းပန်ပါတယ်ဆက်......