#unicode
နေ့လည်ခင်းတည်းက မေမေ့ဆီရောက်နေတာ မောင့်ကိုဖုန်းတစ်ချက်တောင်မဆက်ဖြစ်သေးဘူး
ရှိန်းကိုဖုန်းလှမ်းဆက်ဖို့ ဆက်ဖုန်းထုတ်လိုက်သည်
"သား ဘာလုပ်နေတာလဲ မေမေ့ကိုလာကူပါအုန်း"
ရေတွေတစက်စက်ကျနေတဲ့ စောင်အထူကြီးကိုသယ်ရင်း လျှောက်လာတဲ့မေမေ့ကိုတွေ့တော့ ဖုန်းကိုပြန်ထည့်လိုက်ပြီး မေမေ့နားအမြန်ပြေးသွားလိုက်သည်
"မေမေ အလေးကြီးကိုဘာလို့သယ်နေတာလဲ သားသယ်ပေးမှာပေါ့ သားကိုခဏစောင့်တာမဟုတ်ဘူး"
"မေမေစောင်လျှော်ပြီးတော့ သားကိုမတွေ့တာနဲ့ေစာင့်မနေတော့ဘဲ ထွက်လာခဲ့လိုက်တာသား"
လျှော်ထားတဲ့စောင်အလေးကြီးကို သယ်ပြီးလှမ်းဖို့လုပ်နေတဲ့ မေမေ့ဆီကနေစောင့်ကိုဆွဲယူလိုက်ပြီး တန်းပေါ်မှာလှမ်းပေးလိုက်သည် လှမ်းပေးပြီးတာနဲ့ရေနည်းနည်းစိုသွားတဲ့ အင်္ကျီကိုခါလိုက်ပြီး မေမေ့ဆီပြေးသွားလိုက်ကာ မေမေ့ပုခုံးတွေကိုနှိပ်နယ်ပေးလိုက်ရင်း
"မေမေပင်ပန်းသွားပြီ ညောင်းနေမှာပေါ့ သားနှိပ်ပေးမယ်"
ဒေါ်မေကပြုံးရွှင်ကာ သားဖြစ်သူမျက်နှာလေးကိုပွတ်သပ်လာလေသည်
"လိမ္မာလိုက်တဲ့သားလေး မေမေမပင်ပန်းပါဘူး လာထိုင်အုံး"
ဒေါ်မေကဆက်ကိုဆွဲခေါ်သွားပြီး အရိပ်ရနေတဲ့ခုံတန်းဆီခေါ်သွားလိုက်သည်
"ဒါနဲ့သား မောင်ရှိန်းနဲ့အဆင်ပြေရဲ့လားဟင် သားကိုမောင်ရှိန်းကတစ်ခုခုလုပ်သေးလား"
ဒေါ်မေ ဆက်ကိုရှိန်းလက်ထဲရှိနေတာကို စိတ်သက်သာရာရနေပြီဆိုပေမယ့် ကိုယ့်သားလေးအနိုင်ကျင့်များခံနေရမလားဆိုပြီး တွေးပူမိသေးသည်
သားဖြစ်သူကိုရှိန်းနဲ့လက်ထက်ပေးမယ်လို့ပြောလာတဲ့အချိန်ကဆို ဒေါ်မေလုံးဝကန့်ကွက်ခဲ့ပါသည် ဆက်ကိုလုံးဝရှိန်းလက်ထဲမထည့်ပေးနိုင်ခဲ့တာ ရှိန်းဆိုတဲ့ကလေးက သူတို့သားအမိအတွက်တော့ သခင်ပဲလေ ငယ်ငယ်တုန်းကလဲ ဆက်ကိုသူ့စာအုပ်လေးယူတယ်ဆိုပြီး ရိုက်နှက်ခဲ့တာကို ဘယ်မေ့မလဲ
ESTÁS LEYENDO
ချစ်တယ်မောင်🖤
Ficción Generalမောင် ဆက်ကိုမမုန်းလိုက်ပါနဲ့ေမာင်ရယ် ဆက်ကိုရွံလဲမရွံပါနဲ့ ဆက်ကမောင်မုန်းမှာဆိုးလို့မပြောခဲ့မိတာပါ မောင်🖤~~~~~ရှိုင်းဆက်ရာ သံယောဇဉ်မတွယ်မိစေနဲ့လို့ မောင်အတန်တန်မှာတယ်လေကွာ ဘာလို့ ဘာလို့များမောင့်စကားကို နားမထောင်ရတာလဲ🖤~~~~~ရှိန်းခန့်မောင်
