ချစ်တယ်မောင်🖤

54🖤

#unicode

တစ်နေ့တစ်နေ့ သူငယ်ချင်းတွေကို တွေ့ဖို့တောင်းဆိုလွန်းတဲ့ သူ့ကိုကျွန်တော်အမြဲပိတ်ပင်နေလို့တော့မဖြစ်တော့တာကြောင့် သူ့စိတ်ကြိုက်‌လိုက်လုပ်ပေးရတော့သည်

ရဲထက်တို့ဆီသွားချင်တယ် သွားချင်တယ် အကြိမ်ကြိမ်ပြောနေတဲ့သူ့ကို ဒီနေ့တော့ကျွန်တော်လိုက်ပို့ဖို့ဆုံးဖြတ်လိုက်တယ်

အန္တရာယ်တစ်ခုခုကြုံမှာဆိုးလို့ သူ့ကိုအိမ်မှာပဲနေခိုင်းခဲ့တာ ကျွန်တော်နည်းနည်းတောင်နောင်တရမိတယ် ကျွန်တော်ဒီနေ့သူ့သူငယ်ချင်းဆီလိုက်ပို့မယ်ပြောတော့ မနက်ကတည်းက လန်းဆန်းတက်ကြွနေလိုက်တာများ အရင်ရက်တွေကနဲ့ နည်းနည်းမှကိုမတူဘူး

ကျွန်တော့ကိုလဲ စိတ်မကွက်အောင်ထင်ပါ့ မလိုတာရောလိုတာတွေရောအကုန်လုံးကို လုပ်ပေးနေတော့တာ ဟား! ကျွန်တော့ကို‘ဖား’နေတာလို့ပဲပြောရမလား ဆက်တကယ်ကို ဒီနေ့အရမ်းတက်ကြွနေတာဗျာ ဒီလိုသူပျော်တာမြင်ရင် ကျွန်တော်ပိုပျော်ရတာ သူရောသိရဲ့လား? ရိပ်မိရဲ့လား?

“မောင် ရေမြန်မြန်ချိုးပါ မောင်! အအေးပတ်မယ်လို့”

“မောင်အခုမှဝင်တာလေဗျာ ချက်ချင်းပြန်ထွက်လာခိုင်းနေတာလားကွာ”

“မောင်ကလည်း မြန်မြန်လုပ်လို့....”

သံရှည်ဆွဲရင်းပြောလာတဲ့သူ့ကြောင့် ကျွန်တော်ပြုံးမိပြန်တယ် သေချာတယ်အပြင်ကနေဆူပုတ်နေတော့မှာ

“ကောင်းပါပြီဗျာ မောင်အမြန်လုပ်လိုက်မယ်နော်”

“အွန်း..!”

အခုမှပဲကျေနပ်ပြီး ဆက်တစ်ယောက်အခန်းပြင်ထွက်သွားတော့သည် ရှိန်းလဲ ရေအမြန်ချိုးကာ ဆက်ပြင်ပေးထားတာတွေ ဝတ်ပြီးအမြန်ထွက်လာခဲ့လိုက်သည်

“ကြာလိုက်တာ မောင်ကလဲ”

ကိုယ့်ကိုထိုးမိမတတ်ထော်နေတဲ့နှုတ်ခမ်းလေးကို ရှိန်းငုံ့နမ်းကာ အသာကိုက်လိုက်သည်

“အဘိုးအိုပေါက်စလေးလို မပွားနေပါနဲ့တော့ကွာ သွားကြမယ် ဆက်မောင့်ကိုရစ်နေလို့ သူတို့‌နဲ့တွေ့ရမဲ့အချိန်နည်းသွားရင်တော့ မောင့်ကိုအပြစ်မတင်နဲ့နော်”