ချစ်တယ်မောင်🖤

53🖤

#unicode

*ငါ့ကိုခေါ်ထုတ်ပေးလို့ရမလား*

*ဆက် မင်းမဟုတ်တာတွေလျှောက်မတွေးနဲ့ ရှိန်းခန့်မောင်ကမတွေးဘဲဘာမှလုပ်မှာမဟုတ်ဘူး သူကမင်းကောင်းဖို့အတွက်ပဲလုပ်နေတာပါကွာ ခဏလောက်မင်းသည်းခံလိုက်ပါ*

*မြတ်သူ! မင်းကအဲ့ကောင်ဘက်ကပဲ လိုက်နေတော့မှာလား? ဆက်ကိုသူကအခုအိမ်ထဲပိတ်လှောင်ထားတာလေ မင်းရူးနေတာလား? ဆက်ကိုတကယ်ပဲအခုလိုပစ်ထားတော့မလို့လား?*

*ငါပြောတာကိုနားထောင် ရဲထက်မင်းဆက်ကိုမြှောက်ပေးမနေနဲ့ ဆက်အခုလိုချိန်မှာစိတ်ရှုပ်နေမယ်ဆိုတာ ငါနားလည်တယ် ဒါပေမယ့် မင်းအခုချိန်အိမ်ထဲမှာပဲနေတာကောင်းတယ် ဆက်*

*ငါအခုလိုမနေချင်တာ မင်းလဲသိရက်နဲ့ မောင်ကအခုတလောအရမ်းလဲချုပ်ခြယ်တယ် ဆူပူတယ် ငါတကယ်မောင်ဘာဖြစ်နေတယ်ဆိုတာမသိတော့ဘူး မြတ်သူမင်းငါအိမ်ကမထွက်သွားစေချင်ရင် မင်းငါ့ကိုပြော မောင့်မှာဘာပြဿနာတွေဖြစ်နေတာလဲ တစ်ခါတစ်ခါကျ မောင်ကဖုန်းပြောပြီးအရမ်းဒေါသထွက်နေတတ်တယ် မင်းငါ့ကိုပြောပြပါ မောင့်မှာဘာကိစ္စတွေဖြစ်နေတာလဲ?*

*ဆက် သူprojectအသစ်တစ်ခုလုပ်နေရတာ အဲ့ဒါအဆင်မပြေလို့စိတ်ရှုပ်နေတာနေမှာပါကွာ မင်းကနားလည်ပေးလိုက်ပါ*

Gp chatထဲ မြတ်သူပြောတဲ့စကားတွေကို ဆက်စဉ်းစားလိုက်သည် projectအသစ်? အရင်ကတောင်အရမ်းအလုပ်ရှုပ်နေရင် မောင်သူ့အပေါ်အခုလိုမလုပ်ဖူးဘူး အခုကဆက်ကိုအိမ်ထဲမှာ ပိတ်လှောင်ထားတာလေ မောင်အလုပ်ရှုပ်နေတာဖြစ်နိုင်ပါ့မလား

*ကောင်းပြီ မင်းမကူညီလဲ ငါအဆင်ပြေတယ်*

*ငါခေါ်ထုတ်ပေးမယ် ဆက် အဲ့မြတ်သူကောင်စုတ်ကိုပြောမနေနဲ့တော့ ငါ့သူငယ်ချင်းကို ပိတ်လှောင်ထားတဲ့ကောင်လဲ ငါနဲ့တွေ့မယ်*

*ရဲထက် ကလေးလိုလုပ်မနေနဲ့တော့ မင်းအလုပ်သာမင်းအာရုံစိုက်*

*မင်း﹏*

*မြတ်သူ ရဲထက်ကိုမဆူပါနဲ့ သူကငါ့အတွက်ပြောပေးတာပါ*

‘ကျီ...'

တံခါးဖွင့်သံကြောင့် ဆက်ဖုန်းကိုအမြန်ပိတ်ကာ ခုံပေါ်တင်လိုက်သည် ခြေသံတစ်စက်ကလေးတောင်မထွက်တဲ့မောင် ဘယ်လိုတောင်လမ်းလျှောက်လာလဲမသိ တံခါးဖွင့်သံကြားမှ ဆက်မှာအလန့်တကြားဖုန်းပိတ်ရသည်