တကယ်တော့ Xiao Ke က စကားပြောရင် သိပ်မစဉ်းစားပဲ ပြောတတ်တယ်။ ပုံမှန်မဟုတ်တဲ့ အတွေ့အကြုံက စိတ်ထဲကနေ ပျောက်မသွားသေးဘူး။ ဒါကြောင့် မကြာခဏပဲ သူ့ရှေ့မှာ ထိုင်ပြီး သူနဲ့ တူတူသောက်ခဲ့တဲ့လူကို ပြန်တွေးမိတယ်။ တိုက်တိုက်ဆိုင်ဆိုင် Fang Qimiao က Tattoo ထိုးတဲ့ ကိစ္စပြောလာတော့ သူ ရုတ်တရက် ထုတ်ပြောမိသွားတာ။
ဒါပေမယ့် အဲ့လူကို ဆက်သွယ်ရမယ်ဆိုတော့ နည်းနည်းတော့ စိတ်လှုပ်ရှားမိတယ်။ ဘာပြောပြော သူတို့က တကယ်ရင်းနှီးကြတဲ့သူတွေလည်း မဟုတ်ဘူးလေ။ နာရီအနည်းငယ်လောက်တူတူထိုင်သောက်ခဲ့ကြရုံပဲ။ တဖက်လူက သူ့ကို မေ့သွားပြီလားတောင် မသိဘူး။
"နောက်ဆုံးတော့ တခုခုတော့ တိုးတက်လာပြီပေါ့ သခင် Xiao"...Fang Qimiao က စိတ်လှုပ်ရှားပြီး ပြောတယ်။ ပြီးတော့ Xiao Ke ကို မြန်မြန်ဖုန်းခေါ်ပြီး ချိန်းခိုင်းတော့တာပဲ။
Xiao Ke က သူ့ သားရေဂျာကင်အိတ်ထဲက လိပ်စာကဒ်ကို ထုတ်လိုက်တယ်။ Fang Qimiao က သူ့လက်ထဲက ကဒ်ကို မြင်တော့ ရယ်တယ်။
"ငါ အဲ့ဆိုင်ကို မေးပြီးပြီကွ။ ငါ ပထမဆုံးဆက်တဲ့ ဆိုင်တွေထဲမှာ ပါတယ်။ 'Tao' က သူ့ Tattoo ကို အဲ့ဆိုင်မှာ ထိုးခဲ့တာ။ သူ့ဟာက မိုက်လို့ ငါလဲ တခု ထိုးမယ်လို့ ဆုံးဖြတ်လိုက်တာ"
Xiao Ke က သူ့ကို မော့ကြည့်လာတယ်။
"သူရော တင်ပါးမှာ ထိုးထားတာလား?"
"မဟုတ်ပါဘူး၊ fuck...သူ့ဖင်မှာ ထိုးထားရင် ငါက ဘယ်လိုလုပ်မြင်မှာလဲ?"
Fang Qimiao က သူ့ ညှပ်ရိုးကို ထိုးပြပြီး
"ဒီလိုနေရာမှာ ထိုးထားတာ၊ ညှပ်ရိုးပေါ်"
"မင်း မေးတုန်းက အဲ့ဆိုင်က ဘယ်လိုပြောလဲ?" Xiao Ke က မေးတယ်။
Fang Qimiao က နှာတချက်မှုတ်ပြတယ်။
"အဲ့ဆိုင်က စာရင်းပေးထားတာ အများဆုံးကွ။ ငါ့ကို နောက် ၃ လ နေမှ ထိုးလို့ရမယ်လို့ တန်းပြောတာပဲ။ငါက ငါ့လက်ဖဝါးစာလောက်ပဲ ရှိတဲ့ Tattoo တခုပဲ ထိုးချင်တာပါ။ အဲ့ဒါကို ၃ လ တောင် စောင့်ဖို့ပြောတယ်။ နောက်နေတာလား မသိဘူး?"
Xiao Ke က ဖုန်းနံပါတ်ကို နှိပ်နေပြီမို့ သူ့ကို ပြန်ပြောမနေတော့ဘူး။ ဖုန်းက ၀င်နေပြီ။
YOU ARE READING
Tattoo [Completed]
RomanceThis is Myanmar translation of "刺青" (Tattoo) by 不问三九. I translated from English translation by JP on Chrysanthemum Garden website. This is the link for English translation: https://chrysanthemumgarden.com/novel-tl/tattoo/ All credits go to them. (T...
![Tattoo [Completed]](https://img.wattpad.com/cover/275743420-64-k134003.jpg)