ဆရာ Xiao က ဘာမဆို လုပ်နိုင်တယ်... ဆရာ Xiao က ကယ်တင်သူကြီး...
အဲ့ညမှာ Xiao Ke က Zhou Zui ဘေးမှာလှဲပြီး သူ့လက်တွေကို ဆုပ်ကိုင်ထားပေးတယ်...
"ဒီည ဒီမှာပဲ အိပ်လိုက်။ မင်း အိပ်ပျော်တာကို ငါစောင့်နေပေးမယ်"
"အင်း"
Zhou Zui က သူ့လက်ချောင်းတွေနဲ့ Xiao Ke လက်မဖိုးကို ဖွဖွလေး ကုတ်နေတယ်...
"ကောင်းပြီ"
Xiao Ke က သူ့ကို ကြင်ကြင်နာနာကြည့်ပြီး နူးနူးညံ့ညံ့လေး ပြုံးပြတယ်။ သူ့အကြည့်တွေထဲမှာ နားလည်မှုတွေအပြည့်ပဲ။ သူက Zhou Zui နဖူးကို ဖွဖွလေး နမ်းလိုက်တယ်...
"အိပ်တော့... ငါ မင်းကို စောင့်ရှောက်ပေးမယ်"
Xiao Ke က သူပြောခဲ့တဲ့အတိုင်း Zhou Zui ကို တညလုံး စောင့်ကြည့်ပေးခဲ့တယ်။ မီးတွေကိုလည်း မပိတ်ခဲ့ဘူး... လျှောက်လမ်းက မီးတွေကို မှိန်မှိန်လေး ထွန်းထားတယ်။ ဒါမှသာ အိပ်ခန်းထဲမှာ အိပ်တာကိုလည်း အနှောင့်အယှက်မဖြစ်လောက်တဲ့ အလင်းရောင်ရှိနေမှာ ဖြစ်တယ်။ Zhou Zui က မျက်လုံးတွေကို မှိတ်လိုက်တာနဲ့ သူ့ကိုယ်က ကြွက်သားတွေက တဖြေးဖြေးတောင့်တင်းလာတယ်... လက်ဖဝါးတွေကလည်း ချွေးစေးတွေ စပြီး ပြန်လာတယ်။
Xiao Ke က သူ့နားထဲကို တိုးတိုးလေး ပြောပေးတယ်...
"ပေါင်ပေ့ရေ... ငါပါ"
Zhou Zui က မျက်လုံးတွေကို ချက်ချင်းဖွင့်လိုက်ပြီး သူ့ကို ကြည့်လာတယ်။ Xiao Ke က သူ့ကို ကြင်ကြင်နာနာ ပြုံးပြနေတုန်းပဲ...
"ပြန်အိပ်တော့"
Xiao Ke က တညလုံး Zhou Zui ဘေးမှာ နေပေးခဲ့တယ်။ လက်တဖက်ပေါ် ခေါင်းတင်ထားပြီး Zhou Zui ကို ငေးကြည့်နေတယ်။ Zhou Zui က အတော်ကြာတဲ့ထိ အိပ်မပျော်ဘူး။ သူ အိပ်ပျော်သွားဖို့ဆိုတာက ဒီလောက် လွယ်ကူတဲ့ကိစ္စ မဟုတ်ဘူး။ ဒါပေမယ့် Xiao Ke က တည်ငြိမ်နေတယ်။ သူက Zhou Zui ကို လုံးဝ မထိပဲ စကားလုံးတွေနဲ့ပဲ နှစ်သိမ့်ပေးတယ်။ Xiao Ke ရဲ့ တည်တည်ငြိမ်ငြိမ်နဲ့ ဆက်တိုက်ပြောပေးနေတဲ့ အသံက သူ ရှိနေတာကို အသိပေးနေသလိုပဲ။ လူကို စိတ်သက်သာရာရစေပြီး လုံခြုံတယ်လို့ ခံစားရစေတယ်။
YOU ARE READING
Tattoo [Completed]
RomanceThis is Myanmar translation of "刺青" (Tattoo) by 不问三九. I translated from English translation by JP on Chrysanthemum Garden website. This is the link for English translation: https://chrysanthemumgarden.com/novel-tl/tattoo/ All credits go to them. (T...
![Tattoo [Completed]](https://img.wattpad.com/cover/275743420-64-k134003.jpg)