النصف الآخر

بارت ٣

وليد : عزززة الله يستر هاي شعندهه ادك عليه من الصباحيات
وليد : ألو
دنيا : ألوووو صارت زحمة عيني شعجب جاوبتني
وليد : هههه هلاو دناوي شلونج
دنيا : دناوي مووو لك انتة هم صديقك لك اني بعد احجي وياك
وليد : ليش يمعودة شسويت مو البارحة جنه حبايب وجيتج للمحل ونطيتيني قطعة كيك هههههه
دنيا : اي بس شنو الفايدة من صداقتك وانتة تضم عليه اسرار ؟ لتخاف ترة الله يكشفلي كولشي هه
وليد : ( شكله عمي سليم جفصهه) احم اي دنيا ماعرف على شنو دتحجين ههههههه
دنيا : ليش مكتلي حيرجع اليوم ؟
وليد : هاا مو هو مقبل احجي لأحد وتورطت بس كلت لعمو سليم وهو نشرهه الله يسامحه 😩
دنيا : ماشي ماشي وليد اني اعرف شسوي بيك بس اشوفك
وليد : ههههههه اوكي دناوي كولشي منج اتحمل شسوي الله بلاني بأخت مخبله حتجين اليوم ركض مو ههههاي
دنيا : معليييك وسدت التلفون
دنيا بمحلهه : اكولج جنه اذا كملتي طلبية العيد ميلاد خلي نعزل ونرجع من وكت شوية
جنة : ليش حب شكو خير مو بارحة خليتينة نرجع تالي الليل شصار اليوم
دنيا : مو صوجج والله اني حرجع وانتي ابقي لليل يلة تعزلين ماشي
جنة : لا لا يمعودة شبيج اشاقة هههههههه بس الحلو اليوم مو على بعضة شو فرحان ومرتبك وكلساع صافن
دنيا : مابية شي شكو قابل متجوزين من سوالفج تكعدين تألفين عليه وتخترعين قصص
جنة : حبي ترة اني حافضتج علغيب اذا يمتحنوني بيج اخذ دكتورا والله يلة احجي شكو بسرعة داسمعج
دنيا بأرتباك : ممممم يعني ماكو شي بس اليوم رايحين اني وجدي لحفل افتتاح شركة عمو سليم الجديدة
جنة : بعددد يعني هم حيفتح شركة والله عمي هلعمو مالتج الله حيل راضي عليه زين اي وبعد شنو الفرحج بهالموضوع
دنيا : مو ...مو كال عمو سليم أيمن اليوم حيرجع 🌝
جنة : هاااااااا شنووووووو لا لا تشاقين ايمن راجع اخيرا حب مراهقتج حيرجع هههههاي
دنيا : انجبي لج شنو هلحجي
جنة : هههههههاي باعي ولج روحي لبسيلج شي براسة حظ اريدج تطلعين صاكة بس مو حيل ها خاف ميعرفج ههههاي
دنيا : لج كافي مو صوجج صوجي كاعدة اسولف وية مخبلة مثلج يلة اني حروح بيباي
جنة : فديتة الخجلان يلة حب كشخي ودزيلي صور عود انتي ويا اريد اشوفة بعدة صاك لو تجعمر مثلي 😂😂
(جنة تعرف أيمن من الطفولة لان جانت ويا بالمدرسة )
دنيا : شلون حموتهه 😩
دنيا راحت ركض للمول ضلت ادور على فستان تلبسه اليوم يكون انيق وعلى ذوقهه واهمشي مو غالي 😁
اخيرا لكت فستان الرادتة بعد ما فرت المول مرتين موديلة كلاسك ميدي لونة وردي فاتح ناعم وتفاصيلة رقيقة وبسيط بس سعره اغلى من ميزانيتهه

دنيا : اووف شكد حلو هلفستان شسوي هسة اذا اشتري معناها ميزانيتي للشهر الجاي حتخرب 😩
ضلت دنيا بغرفة التكدير كاعدة تتفحص شكلهه بالمراية وتفكر بسعر الفستان
دنيا : يلة هي بس هالمرة لازم اطلع مرتبة بهالحفلة 😃
تذكرت أيمن وارتبكت وبطنهه وجعتهه 😨 ادري شبيه عبالك داخذ نتيجة السادس 😅
رأسا نزعت الفستان دفعت للكاشير ورجعت للبيت حتى تلحك تكول لجدهه وتحضر نفسهه
حقي : وين الغدة شنو لازم انتظر دنيا تجي حتى تصبلي وييينكم
زينب : اي اي يابة هسة حصبلك واجيبة ثواني
أم ايهم : هاي وينهه تأخرت نست اليوم حنسافر بليل ماعدنة وكت لسوالف عمي
زينب : يمعودة بعد صارلهه محل شيرجعهه يلة هسة اصبلة ونروح نكمل جنطنة
دنيا : هلاوو يا جماعة الخير شلونكم وصعدت ركض لجدهه
ام ايهم : شوف شلون لوتية كبل صعدتلة لجدهه تقشمر بي وعافتنة بضيم
زينب : شبيج اليوم معزومين احنه لو نسيتي حتروح هي وابوية بس
ام ايهم : هاا مو كالت ماروح شو غيرت رأيهه
زينب : شمدريني من خابرتهه كالت حروح وية جدي