النصف الآخر

٦٧ ج٢

دخلت للسويت ويه سارة اللي اكلت راسي بلأسألة ..
سارة : طمنيني شلونج هسه ؟

دنيا : عرج ميطكني وداعتج اصلا عندي طاقة مال دياحة منا لباجر ...

سارة : زين شوكت اجه ايمن شو مكتيلي !!

دنيا : البارحة بليل شبيج ...

سارة : همممم ... بس ترة البارحة جان فدشي ...
لو تشوفي شلون تخبل عليج وشالج يركض بيج للمستشفى... اويلييي لو قلقه وتوترة بالمستشفى ...

تنهدت بأبتسامه اسمع كلام سارة  و افكر بي و هايمه ...

سارة : ولا مشفتي من دخلونة عليج و جنتي نايمة لاه ...لاه ... لاه .... الحضن والبوس مالته ولا عبالك اني موجودة  تالي استحيت على نفسي ودرت وجهي وعفته يختلي بيج ههههههه..

دنيا : عزة صدك !!!!

سارة غمزتلي : لعد اجذب عليج ... اخ بس تدرين حبيت جرأتة...

دنيا : حبتج حية سارة استحي ...

سارة : فديتة اليغار اني ههههه ... اي احجيلي من كعدتي وشفتي شصار بمشاعرج المرهفة ...

دنيا : عليج الله بس اسبح وآكل وراها اجاوبج ...

سارة : لا شتاكلين لج سبحي وبدلي بسرعة خلي نطلع نتريك برة ومنهه نشوف سلام هم ...

دنيا : لا سارة ماكدر...

سارة : ليش لج مو اتفقنه عاليوم نطلع نتريك ويا !!!
الولد دينتظرنة عيب منه ...

دنيا تنهدت : يعني سارة مدتشوفين الوضع ايمن اجه  علمودي بعد تريديني اعوفه واروح التقي بسلام ... حتى يذبحني عالقبله ...

سارة : يعني محطلعين ويانة اليوم ؟ زين شوكت لعد اكوله للولد يجي ...

دنيا : أمممم ... خليهه هسة عود احجي ويه ايمن واشوف شيكول ...

سارة باوعتلي صفح : كل عقلج !! اكيد محيوافق ...

دنيا : هاهيه شسوي لعد اني بين نارين منا ايمن وقفلته على سلام ومنا سلام الولد ممسويلي شي وعيب عليه اتصرف ويا بهطريقه ... هوووف والله حيرة ...

سارة : هسه الله كريم لليل يحلهه حلال ...
هسه شنو حطلعين ويا ؟

هزيت راسي وبتسمت متلهفة ...

سارة : واني دنو تعوفيني ؟

دنيا : مو البارحة عفتيني هههههه .