كيفَ لي أَن أغفر لِمن جَعلني أَشعر من فرطَ أذيته
إن الله لا يُحبني ؟
********************
ايمن :مثل مكتلك انطيهم اليردو المهم تنتهي السالفة هلسبوع..
المحامي : بس استاذ ليش رأسا استسلمت اكو هواية طرق وحلول نكدر نتخذه!
ايمن : لا طرق ولا حلول ميحتاج بس سرعلي بأجراءات الطلاق وحاول تختصرهه بجلسه ماريد اضل رايح جاي للمحكمه مفارغ لهلغاوي ..
المحامي : ححاول استاذ ولو محاميهم ماخلة دعوة مارفعهه علينه بس اني كدهه ان شاء الله
ايمن: خلي يرفع انت سوي شغلك ومثل مكتلك استعجل ..
المحامي: تمام استاذي ..
سديت الخط من المحامي واتصلت على مصعب اتأكد اذا كلشي ماشي تمام
مصعب : تمام استاذي كلهه سبوع والملفات حتصير بين ايدهم ..
ايمن : سبع ... سبع مصعب وذيج ال**** معرفت شوكت ترجع ؟
مصعب : ترجع بعد عشر ايام بس بصراحة ماعرف شلون اوصللهه ! الحراسة صايرة مشددة داير مدايرهم وصعب نلكفهه !
ايمن : همممم نلكفهه نلكفهه سهلة .. عوفلي هالموضوع اني احلة ... انت بس ضبطلي سالفة ذاك الساقط هاي اهمشي عندي هسة ..
مصعب : متضبطة استاذ لتشيل هم .. كلهه كم يوم ويودع ...
سديت المكالمة وشمرت الموبايل علميز بتعب ماعرف شوكت تحين نهاية هالمعارك الجهدتني عقليا وجسديا وهدت حيلي هد !
دخل عليه جندي بلغني بزيارة احد المسؤولين تنهدت وكمت مجبور استقبله على اعصابي ..
مصارلي شهر بهالمكان وكوة طايق الوضعية ومشيهه بمزاجي ... مجبور ابقة بهالدوام ماكدر اترك مصايبي ابغداد وانقل لمقر ثاني ..
خلصت دوامي شلون مجان وطلعت بوجهي للبيت اكيد العينتين لحد هسة باقية بدون أكل وتنتظر بلكي تموت من الجوع اعرف بسوالفهه ..
تعاند بيه مدري بروحة !
ابتسمت بقهر اضحك على عقلي شلون مهووس بيهه ورغم كل الفوضى التحطيني ممهتم غير بس بقربهه ووجودهه ..
صرت اعد الساعات حتى بس ارجع للبيت ومن مالكاها كدامي اكعد اراقب باب غرفتهه طول ما هي هناك لحد ما تطلع و اتقصد اصير كدامهه واشوفهه نفسي اسمع كلامها المليان كراهية تجاهي او اشوف نظرة عيونهه التذبحني ذبح وتنهيني...
الداعيشة شي غريب ويمكن هاي اكثر فترة مفاهم بيهه نفسي !
مرتاح لان هي يمي بس محترك من برودهه ومعاملتهه ..
وبكد مابيه حقد وغضب الهه بكد مابيه رغبة واشتياق ماينوصف !
مريض اني بيهه ومدالكة علاج لعلتي !
وصلت للبيت بس اول مادخلت تفاجأت بوجودهه بالمطبخ كاعدة تاكل ..
مشيت بهدوء ووكفت اراقبهه بدون لا تنتبه ..
كملت اكل وكامت تغسل المواعين ودندن بأغنية مكدرت افرزن كلماتهه بس خلتني ابتسم غصب عني واتأملهه ..
شصار هسة لو اكدر احضنج لصدري واشم عطرج ؟
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
