دنيا كعدت من النوم تعبانة ....راسهه يوجعهه وجسمهه مكسر ضلت بفراشهه صافنة على السكف بدون حركة ...البارحة كضتهه تتقيأ وجانت كولش مريضة ... فجأة سمعت صوت زخات المطر تتساقط على شباك غرفتهه فتحت عيونهه ورأسا كامت يم الشباك مدت ايدهه تتلمس قطرات المطر وابتسمت ...
دنيا : اخيرا مطرت ...
فتحت موبايلهه وشافت على تاريخ اليوم ...
دنيا : ٢٠ /١١ .... فتحت عينهه بصدمة...اليوم ...
اليوم عيد ميلادة
فجأة دخلت عليهه ميار وابتسمت ...
ميار : عيد ميلاد منو !
دنيا رفعت راسهه وشافت على ميار بأرتباك ...كامت وبدت ترتب فراشهه وهي ساكتة ...
ميار : مممممم.... شو متجاوبيني !
دنيا : ها ميار شبيج ...
ميار : كلتي اليوم عيد ميلادة ... على منو قصدج ! ماذكر عدنة احد بالعائلة عيد ميلادة اليوم !
دنيا باوعت لميار بنظرة ممفهومة : ملاحظة نفسج صايرة فضولية ...
ميار : اني ؟
دنيا : أي انتي ...
ميار : ليش هيج دندون مو احبج ...
دنيا : اني هم أحبج بس هم صايرة فضولية ...
ميار : ههههههه .... حتكوليلي لو أعرف بطريقتي
دنيا أبتسمت بخبث : اذا هيج تريدين تعرفين حجاوبج ... بس بالمقابل انتي هم تجاوبيني ...
ميار عركت وتوترت : اني! ...هههه ...على شنو
دنيا : هممممم...على شنو مو ! اوكي تدرين بية ماعرف الف وادور حسألج مباشرتا .... ذاك اليوم كذبتي علية من كلتي حروح لعيد ميلاد صديقتج مو ؟
ميار احمر وجهه وضلت تباع لدنيا بخجل ...
دنيا ابتسمت لميار : ماشي اعتبرهه اجابة ...
ميار بأرتباك : دنيا ...اني ... خلي افهمج ...
دنيا: ميار حبيبتي سمعيني اني مو عن شي بس صدكي حبل الجذب كصيرر... اذا جذبتي مرة ونفذتي مو شرط المرة الثانية تنفذين ... غير هالشي اني أعرف ويامن جنتي ترة ... لذلك سكتت وعفتج براحتج لأن اثق بيج وبي ... ابتسمت وغمزتلهه لميار
ميار تفاجأت وضلت تباع لدنيا بخجل : دنيا...والله جنت داكولج عن الموضوع ....بس بس ترددت
صدكي ممسوين غلط وعلاقتنة بريئة...
دنيا : لج ...شبيج تبررين ...ترة اذا اثق بيج لان انتي بنت خالي فأني أثق بوليد اكثر بعد وادري بي خوش ولد ومحيأذيج ...بس تدرين بيه ماحب الكذب واحب كولشي يصير واضح ... وانتي و وليد مهمين عندي وأريد مصلحتكم وهم اخاف لتجفصين بيوم و خالة تعرف وتصيرلج مشكلة ...
ميار : اسفة لان محجيتلج ...تدرين بية ماضم عليج شي ...بس بصراحة جنت خايفة لترزليني ...
دنيا : ليش ارزلج مثلا ..من حقج تعيشين حياتج وتختارين الحبة قلبج ...بس هم اكولج ديربالج ميار ...شكد ما ادري بوليد شنو بس هم اخاف ....الحب مجازفة فلازم تكونين كدهه.
ميار هزت راسة بأبتسامة خجولة : دنيا لتخافين عليه
وليد ماكو منة ... صراحة مجنت أعرف انو الحب هيج شعور يجنن ... مجنت أعرف ممكن يلخبطج لهدرجة ويخلي حياتج يصير الهه طعم ثاني .
دنيا ابتسمت لميار ومسدت شعرهه بالطف : ربي يفرحكم وتكون قصة حبكم اسعد قصة بالدنية ... بس اذا وليد ضوجج كوليلي مو تضمين عليه ... حتى اعرف شلون اطيح حظة ... بعدين كوليلي بلة شنو عجبج بي هالمخبل هههههه
ميار : ههههههه ....مممممم كولشي بي يعجبني شكلة وشخصيتة وعصبيتة وكولشي
دنيا : اها اذا هيح معناها وصلتي مرحلة ... الج الله لعد هههههه
ميار : هههههه والله دندون وكعت ومحد سمة عليه لج عيني محتويني ومحافظ علية وكولشي يسوي في سبيل اكون سعيدة ... مراح الكة احسن منه ...
أنت تقرأ
النصف الآخر
Romanceيعود حب طفولتها الأول ...بعد إنتظار دام سنين طويلة... لكنها تتفاجأ بأنه لم يعد ذاك الفتى الصغير اللذي احبته ... أصبح باردا قاسي بلا قلب ولا ذكرى لها .... هذا ما فعلته اوجاع الدنيا واقدارها وماضيه به... فهل سيكون لها أمل بأن تمحي ماضيه الأليم ؟ و...
