النصف الآخر

بارت ٨١ج١

سلااام حبايب ❤️
اشتاقيتلكم 🥰
اعرف اعرف غبت عليكم هوايه وقصرت وياكم بس شسوي مو بيدي ظروفي صعبه حيل الله شاهد تعبانه نفسيا وجسديا بحيث جان صعب عليه اجمع افكاري واكتب اي شي ...

المهم هذا البارت كتبته واني ممقتنعة هالكد بي بس لخاطركم كلتً كافي غياب بعد لازم انزل وباجر حنزللكم تكملة البارت اذا كدرت واذا تاخر شوية هم عذروني ...
قبل لتبلشون بالبارت لازم اسولفلكم احد اسباب غيابي عنكم هالفترة ...
حبايب اني حامل حاليا وحملي مهدد وعندي اسقاطات سابقة وهو اصلا حملي صعب بطبيعته فلازم ارتاح وممنوع اي اجهاد وبصلاوات مكمله هالحمل ومتحمله ...
وغيرهه عندي طروف ثانيه بلبيت ماريد اطرقلهه بس متأذيه منهه حيل ومأثرة بيه كلش ...
علعموم ماريد ادوخكم بهالمواضيع بس ردت افهمكم سبب غياباتي المتكررة هالفترة واطلب منكم تدعولي ربي يسهلهه عليه ويتمم هالحمل على خير واكون ممنونه منكم ❤️
وهسه استمتعو حبايب وانتظرو تكمله البارت النارية 🔥🔥😬😬
************************************

زينب : دنيا ....دنيا وينج؟

بلعت ريكي بخوف وتبادلنة النظرات اني ويا ...
رفع اصبعة لشفايفة بمعنى اهدأ مشة ووكف ورة الباب واشرلي  افتحة ...

زينب : وينج فتحي الباب عاد !!
جسمي كام ينتفض وماعرف شسوي معقولة شافو لو سمعونة !!

مشيت تجاه الباب بخوف وفتحتهه لكيت خالة تباعلي بقلق وعاكدة حاجبهه ...

دنيا بصوت يرجف : شنو خالة ؟

زينب : وينج صارلي ساعة ادك بالباب وليش قافلتهه ؟!

دنيا : ها مو ... مو شسمة جنت ابدل ...

رفعت حاجبهه تباعي بشك  : تبدلين ! عالعموم جيت دانطيج دواج  صار وكته ... هاج ...

بلعت ريكي واخذت الدوة وكلاص المي منهه وشربتهن بسرعة ورجعتلهه الكلاص ...

ابتسمت بتوتر : شكرا خاله ...

باوعتلي صفح وتنهدت وراحت ...

سديت الباب مغمضه عيني برعب وزفرت بقوة فتحتهه ولكيت ايمن واكفة كدام البلكونة ديفتحهه ولا يمه الصار قبل شويه ولا مهتم ...

باوعتله بتوتر : شدسوي ؟

ايمن : اروح شداسوي يعني ...
رفع حاجبة وبتسم ابتسامه جانبيه :
بس اذا عاجبج ابات عادي ابقة و غمزلي ...

باوعتله صفح رافعه حاجبي :
حجاوزك بأخلاقي ... گلي شلون حتطلع منا متخاف تتكسر ترة المسافة مو قليله ...

ايمن ابتسم : اكدر اكدر ... كضيت عمري انط من سياج لسياج لو ناسية ...

دنيا : ههههه لا اذكر من جدو جان يصيحلك العتوي .

ابتسم وطلع للبلكونة اتلفت شويه و عبر من محجر واني اخذت شال حطيته على جتفي وطلعت ورا اتلفت بقلق منا ومنا ...
تبادلنه النظرات اخر شي تنهد وبتسم شوية ...