النصف الآخر

بارت ٦٨ ج١

مرحبه حبايب ...
نص اليوم ونص باجر كالعادة ...
استمتعو وكثرولي تعليقاتكم عالقصة لان حيل اتونس بيهه وتشجعني 😍❤️

*********************

دنيا : اييييع اييييع ... حمووووت ربي ليش هيج ديصير ويايه ...

اجة ايمن ودك باب الحمام العمومي عليه ...

فتحتلة باب الحمام داخذ منة الشامبو ...

شو هذا دفعني ورجع سد الباب ...

دنيا : شدتسوي ليشوفوك  !!!

ايمن : وخلي يشوفون قابل شدنسوي ... شو تعاي ...
جرني من ايدي واشرلي عالمغسله :
دنكي راسج هنا ...

تنهدت ماعندي غير حل وهمزين المغسله نظيفه ...
عموما مشفت حمام وسخ بتركيا حتى الحمامات البشوارع  تلمع ...

دنكت راسي وماحس اله مي بارد نزل على شعري خلا
جسمي يقشعر : اششششه ...

ابتسم : اي بارد ... تحملي هسه عسريع اغسله ...
حط شامبو على شعري والي جان هم بارد بعدهه حسيت بأصابعه تتخلل بيت خلص شعري بهدوء وتفركة ...
بلعت ريكي وغمضت عيني من ملمس اصابعه وعطرة وقربة مني ... اخ ربي ابيش دافكر خل احير بحظي الزفت يكون افضل ...
بعد دقايق كمل وسد المي  ...
تنهد وبدة يعصرة على كيف بأيدة :
هاهيه كملنه ...

تنهدت بتعب مغمضه عيني : وخر شويه لتتبلل ...

باوعلي صح وبتعد ...

نزلت راسي وبعدين رفعتة ليورة بسرعة وقوة حتى انثر شعري واقلل المي البي ...
بعدني مغمضه عيني خللت اصابعي بين خصل شعري احاول اعدله وامسح المي الواكع على رقبتي ...

فتحت عيني لكيته صافن عليه بنظرات ممفهومة وكأنو وجهه صاير احمر شويه هم ...
أمممم لهلدرجة شعري تعبه من ديغسلة ؟! ...

انتبهت بلع ريكة من تفاحة ادم الصعدت ونزلت ...
دار وجهه بصوت مرتبك حجة : اني طالع خلصي ولحكيني ...

______

ايمن :
كاعدين عالرمل كدام البحر هي تسولف واني فاصل عن كولشي ومركز بعيونهه التلمع وشفايفهه الوردية...

ابتسمت على سوالفهه حيل مخبله بلأبراج هالبنيه ...

بوزت شفايفهه وحركت شعرهه بثقه اثناء كلامهه خربيوم هالشفايف والشعر الموتني ....

ضليت هايم بيهه واسمع كلامهه اللي جان بي نسبه من الصحة نوعا ما ...صح ماعترف بهسوالف بس مانكر اغلب الكلام الكالته عني صحيح   ...
وخاصتا اخر جمله ...
انو من احب احب بكل كياني ومانسة هالحب بسهوله وبدليل 11 سنه احاول انساج وفشلت ...
جنت قانع نفسي حبي الج وتعلقي بيج مجرد فترة مراهقة وراحت ... شعور حيختفي بمرور الزمن  وينسي ...
وشكد حاربت روحي وجبرتهه حتى تنساج بس بنهايه تعبت وستسلمت ...
جيت و رجعتج لحياتي بأرادتي  واني الممنون  ضارب كولشي صار بيني وبينج بعرض الحايط ...
ان كان بالماضي او هسه ...
و مو بس هيج ...
نويت افتح صفحة جديدة وياها ...
لان صار عندي يقين هي الوحيدة الكادرة تغيرني ... هي الحتعرف شلون تجردني من ذنوبي وهواجسي وافكاري الشيطانيه ...
هي الحتمحي الظلمة البداخلي مثل مكالت وتبث بدالهه النور ...
خالقة مني انسان جديد ...
ماعندة ماضي ولا احزان ولا ذكريات توجعه ولا اي شي ثاني غيرهه ... ماعندي غيرهه هي وبسس...
ساعتهه يا دنيا فعلا حكون اسعد مخلوق بهالكون ...